فوتو: اشىق دەرەككوز
Breaking Rust – ادام ەمەس, مۋزىكالىق پروديۋسەر مەن ورىنداۋشى ءرولىن قاتار اتقاراتىن جاساندى ينتەللەكت جۇيەسى. قازىر ونىڭ Instagram پاراقشاسىندا 35 مىڭنان استام جازىلۋشىسى بار, ال Spotify پلاتفورماسىندا اي سايىنعى تىڭدارمان سانى 2 ميلليوننان اسادى. ءتىپتى ۆيرتۋالدى ءارتىس رەسمي تۇردە تەكسەرىلگەن اككاۋنت يەگەرى رەتىندە تىركەلگەن.
ينديانا ۋنيۆەرسيتەتىنىڭ مۋزىكالىق تەحنولوگيالار كافەدراسىنىڭ دوتسەنتى دجەيسون پالامارا Newsweek-كە بەرگەن سۇحباتىندا: «اۋەن ىرعاعى قاراپايىم «stomp, clap, hey» فورماتىندا ەستىلگەنىمەن, ونىڭ ارتىندا وتە كۇردەلى جوعارى تەحنولوگيالىق پروداكشن جاسىرىنعان», دەدى.
سونىمەن قاتار, ساراپشى ءان ءماتىنىن «ماعىنالىق تۇرعىدا ءالسىز, بىراق تەحنيكالىق تۇرعىدان ءمىنسىز» دەپ باعالادى.
سوڭعى ۋاقىتتا جي قاتىسقان ءاربىر جوبا قوعام نازارىندا. ماسەلەن, ۆيرتۋالدى اكتريسا تيللي نورۆۋدتىڭ دەبيۋتى نەمەسە Coca-Cola كومپانياسىنىڭ جاساندى ينتەللەكت كومەگىمەن جاسالعان مەرەكەلىك جارناماسى ۇلكەن پىكىرتالاس تۋدىردى.
ءتىپتى الەمگە تانىمال مۋزىكانتتار جاساندى ينتەللەكتتىنى شىعارماشىلىقتا قولدانۋدى رەتتەۋدى تالاپ ەتەتىن باستامالاردى قولداپ وتىر. بىراق بىرقاتار ەلدەردە ونى قولدانۋعا شەكتەۋ قويۋ تۋرالى پەتيتسيالار پايدا بولعان.
