قوعامدىق كوممۋنيكاتسيا ورتالىعىنا سىلتەمە جاساپ.«باتىس» وڭىرلىك قولباسشىلىعىنىڭ ءباسپاسوز قىزمەتىنىڭ مالىمەتىنشە, بايقاۋعا اقتاۋ, اتىراۋ, اقتوبە, جاڭاوزەن جانە ورال قالالارىنان كەلگەن 50-گە جۋىق وفيتسەر مەن سەرجانت قاتىستى.
قاتىسۋشىلار اتىس, دەنە جانە اسكەري-تاكتيكالىق دايىندىق, سونداي-اق مەملەكەتتىك-قۇقىقتىق جانە ادىستەمەلىك پاندەر بويىنشا بىلىمدەرى مەن بىلىكتىلىكتەرىن سىنعا سالدى.
جارىس قورىتىندىسى بويىنشا اقتاۋ قالاسىندا ورنالاسقان 6656 اسكەري ءبولىمىنىڭ باتالون كومانديرى, كاپيتان باقىتجان وراقباەۆ ۇزدىك ناتيجە كورسەتىپ, 1-ورىنعا يە بولدى.
«جارىسقا ۇلكەن دايىندىقپەن قاتىستىم. بارلىق كەزەڭدەر ءوز دەڭگەيىندە ءوتتى. ءبىرىنشى ورىنعا قول جەتكىزۋ مەن ءۇشىن ۇلكەن مارتەبە. ەندى جەلتوقسان ايىندا استانا قالاسىندا وتەتىن رەسپۋبليكالىق بىرىنشىلىكتە «باتىس» وڭىرلىك قولباسشىلىعىنىڭ نامىسىن قورعايمىن», دەيدى كاپيتان باقىتجان وراقباەۆ.
ايتا كەتەيىك, بايقاۋ ءۇش كەزەڭنەن تۇرادى. العاشقى كەزەڭدەر اسكەري بولىمدەردىڭ ءوز بازاسىندا وتكىزىلسە, ورال قالاسىندا وتكەن ەكىنشى كەزەڭدە ءوڭىردىڭ ۇزدىك اسكەري ماماندارى انىقتالدى. ەندى جەڭىمپازدار جەلتوقسان ايىندا استانا قالاسىندا وتەتىن قورىتىندى رەسپۋبليكالىق سايىستا باق سىنايدى.
ماڭعىستاۋ وبلىسى
