فوتو: اشىق دەرەككوز
«قازاقستان رەسپۋبليكاسىنىڭ ىشكى نارىعىنا سۇيىتىلعان مۇناي گازىن بەرۋ جوسپارى شەڭبەرىندە تاۋار بيرجالارىنان تىس وتكىزىلەتىن سۇيىتىلعان مۇناي گازىنىڭ كوتەرمە ساۋدادا وتكىزۋدىڭ شەكتى باعالارىن بەكىتۋ تۋرالى» بۇيرىق جوباسىن اشىق نقا پورتالىندا كوپشىلىك تالقىلاۋىنا شىعاردى.
مينيسترلىكتىڭ حابارلاۋىنشا, جوبانىڭ نەگىزگى ماقساتى – ىشكى نارىقتاعى باعانىڭ تۇراقتىلىعىن ساقتاۋ جانە سۇيىتىلعان مۇناي گازىن ۇزدىكسىز جەتكىزۋدى قامتاماسىز ەتۋ. قۇجات قابىلدانسا, 2026 جىلدىڭ 1 قاڭتارىنان باستاپ شەكتى كوتەرمە باعالار بۇرىنعى دەڭگەيدە بەكىتىلەدى.
بۇيرىق جوباسى الەۋمەتتىك-ەكونوميكالىق نەمەسە قۇقىقتىق جاعىنان تەرىس اسەر تۋعىزبايتىنى اتاپ وتىلگەن. سونىمەن قاتار, باعانى قايتا بەلگىلەۋ ىشكى نارىقتى تۇراقتى قامتاماسىز ەتۋگە جانە وندىرۋشىلەر مەن تۇتىنۋشىلار اراسىنداعى تەپە-تەڭدىكتى ساقتاۋعا باعىتتالعان.
بۇعان دەيىن مينيسترلىك سۇيىتىلعان گازدى ەل اۋماعىنان ەكسپورتتاۋعا سالىنعان تىيىمدى تاعى التى ايعا ۇزارتۋ تۋرالى قۇجاتتى دا كوپشىلىك تالقىلاۋىنا شىعارعان بولاتىن.
