ونىڭ پرەزيدەنت تاپسىرماسىمەن سالىنعان قاراعاندىداعى ىرگەلى ءارى ىلگەرى №19 «كەلەشەك مەكتەبىندە» قىزمەت ەتۋى دە سودان. جاڭا مەكتەپتە بيىلعى وقۋ جىلىنان باستاپ ساباق بەرەدى. ال بۇعان دەيىن جۇمىس ىستەگەن اباي اتىنداعى مەكتەپ-گيمنازياسىنىڭ قۇرىلعانىنان باستاپ بۇگىنگە دەيىن ورلەۋىنە جاس پەداگوگتىڭ وزىندىك ۇلەسى بار.
ءبىرشاما تالانتتى وقۋشىلارى رەسپۋبليكالىق دودالاردان توپ جارىپ كەلدى. استانادا وتكەن شىعارماشىل وقۋشىلار اراسىنداعى «اقبەرەن» ءىح رەسپۋبليكالىق ونەر بايقاۋىندا شەشەندىك ونەر اتالىمىندا ەركەجان قانىش ەسىمدى وقۋشىسى ەكىنشى ورىن يەلەنگەن. كوپ ۇزاماي اقتاۋ قالاسىندا وتكەن ح رەسپۋبليكالىق «اقبەرەن» وقۋلارىنان ەركەجان شاكىرتى ءۇشىنشى ورىن الدى. مۇنىمەن قوسا, V رەسپۋبليكالىق ء«ىشى – التىن, سىرتى – كۇمىس ءسوز جاقسىسى…» شەشەندىك ونەر بايقاۋىندا شاكىرتى ابىلاي دۇيسەن ءبىرىنشى ورىن السا, سيا ايبوتا ءۇشىنشى ورىنعا قول جەتكىزدى. سونىمەن قوسا, ابىلاي ابايدىڭ 180 جىلدىعىنا ارنالعان حالىقارالىق اباي وقۋلارىندا 180 ولەڭ, 4 پوەما, 20 قاراسوز جاتتاپ, III ورىن الدى. شاكىرتتەرى ەركەجان مەن ابىلاي قازىر سۇيىكتى ۇستازدارىنىڭ جولىن قۋىپ, مۇعالىم ماماندىعىنا وۋعا ءتۇستى. بۇل جاس مۇعالىم دايارلاعان وقۋشىلاردىڭ تەك رەسپۋبليكالىق سايىستاردان قول جەتكىزگەن جۇلدەلەرى. قالالىق, وبلىستىق سايىستاردان توپ جارىپ جۇرگەن شاكىرتتەرى دە جەتىپ ارتىلادى. ءوزى دە مەكتەپ وقىپ جۇرگەن كەزىندە ءسوز ونەرىنەن ءتۇرلى سايىسقا ءتۇسىپ, توپ جارىپ ءجۇرىپتى. اسىرەسە ماحامبەت پەن مۇقاعاليدى ءسۇيىپ وقىعان كورىنەدى. ەكەۋىنىڭ بارلىق ولەڭىن جاتقا ءبىلىپ, ونى ءورشىل رۋحپەن وقىعاندا تىڭدارماندى تاڭداي قاقتىرعان. تالاپتى ۇستاز سودان بولار شاكىرتتەرىنىڭ جولىن اشىپ, شىعارماشىلىعىن دامىتامىن دەپ دامىل تاپپايدى.
ءبىلىم نەگىزىن بالا كەزىنەن مىقتاپ قالاعان ول – مايقۇدىقتاعى ۇلت كوسەمى ءاليحان بوكەيحان اتىنداعى مەكتەپتىڭ تۇلەگى ءارى ماقتانىشى. ۇستاز بولۋعا جاستايىنان ۇمتىلدىرعان كۇمىس شماكوۆا مەن جاڭاگۇل نۇرمۇحانقىزىنىڭ ەسىمىن اۋزىنان تاستامايدى.
ە.بوكەتوۆ اتىنداعى قاراعاندى زەرتتەۋ ۋنيۆەرسيتەتىنىڭ فيلولوگيا فاكۋلتەتىندە ءبىلىمىن تەرەڭدەتكەن جانكەلدىنىڭ ستۋدەنتتىك جولى دا شىعارماشىل ورتامەن تىعىز بايلانىستا بولىپتى.
ونىڭ تۋعان اعاسى ءانۋار دا تاريح ءپانىنىڭ مۇعالىمى. اعاسىنان كورگەنى بار, ءوزىنىڭ تۇيگەنى بار جانكەلدى, ءسويتىپ ۇستازدىق جولدى تاڭداعان.
ەڭبەك جولىن سۇرىپتاۋ كەنتىندەگى №12 جالپى ءبىلىم بەرەتىن مەكتەپتەن باستاعان. وسى جەردە ءجۇرىپ تاجىريبە جيناقتايدى. ساباق بەرۋدىڭ ءتۇرلى ادىستەمەسىن مەڭگەرەدى. مەكتەپتىڭ بەلسەندى ۇستازى بولعان ول اۋەلى بالالار بويىندا ۇلتتىق بولمىستى قالىپتاستىرۋدى كوزدەيدى. تىنىمسىز ىزدەنەدى. ءسويتىپ ءجۇرىپ, مەكتەپ باسشىلىعىنىڭ رۇقساتىمەن ءبىلىم وشاعىندا ويشىل, رۋحاني قايراتكەر ءماشھۇر ءجۇسىپ اتىنداعى كونفەرەنتسيانى ۇيىمداستىرۋعا ۇيىتقى بولادى. ونداعى ماقساتى – مەكتەپكە ماشەكەڭنىڭ اتىن الىپ بەرۋگە اتسالىسۋ. بىراق كەيىننەن قالانىڭ وڭتۇستىك-شىعىس اۋدانىنا قونىس اۋدارعاندىقتان قازىرگى قىزمەت ەتىپ جۇرگەن اباي مەكتەبىنە اۋىسىپ, ويعا العان شارۋاسى اياقسىز قالادى.
«كەلەشەك مەكتەبىنە» اۋىسىپ كەلىپ, قال-قادىرىمىز جەتكەنشە ساباعىمىزدى بەرىپ ءجۇرمىز. شاكىرتتەرىم دە بيىكتەن كورىنىپ ءجۇر. بارلىعى ويداعىدان دا جاقسى. بىراق ماشەكەڭنىڭ مۇراسىن وقىعان سايىن موينىمىزداعى پارىز ەسىمنەن كەتپەيدى. باستاعان ءىسىمدى اياقسىز قالدىردىم. قازىر «كەلەشەك مەكتەبىندە» قىزمەتىمدى اتقارىپ جۇرسەم دە قوسىمشا ءماشھۇر ءجۇسىپ كوپەي ۇلى كىتاپتارىن, جازبالارىن ناسيحاتتاۋمەن اينالىسۋدامىن», دەيدى جاس مۇعالىم.
اينالىپ كەلگەندە بۇل دا – ۇلتقا قىزمەت قىلۋدىڭ ايشىقتى ايعاعىنىڭ ءبىرى. وسىدان كەلە جانكەلدى كەنجەباي سەكىلدى بالالاردىڭ جانىنا ءبىلىم عانا ەمەس, ۇلتتىق تاربيە سىڭىرە الاتىن ەر مۇعالىمنىڭ قاتارى كوبەيسە دەيسىڭ, شىركىن!
قاراعاندى وبلىسى
