ينفلياتسيانى تۇراقتاندىرۋ – باسىم باعىت

ۇلتتىق ەكونوميكا ءمي­نيسترى­نىڭ ءبىرىنشى ورىنباسارى ازامات ءامريننىڭ ايتۋىن­شا, قازان ايىندا اقىلى قىز­مەتتەردىڭ باعاسى 0,8%-عا تومەند­ەگەن. بۇل كوممۋنالدىق قىز­مەتتەر تاريف­تەرى مەن وتىن باعاسىن كوتەرۋگە ءمورا­توري­دىڭ كۇشىنە ەنۋىمەن باي­لا­نىستى. موراتوري 16 قازان­نان باس­تاپ ىسكە قوسىلدى.

«قازان ايىندا جىلدىق ينفلياتسيا 0,3 پايىزدىق تارماققا باياۋلاپ, 12,6%-دى قۇرادى. بۇل كورسەتكىش قىر­كۇيەك ايىندا 12,9% بولعان. رەسپۋبليكانىڭ 10 وڭىرىندە ينفليا­تسيا دەڭگەيى 10%-دان جوعا­رى بولدى. ەڭ ۇلكەن ءوسىم قاراعان­دى (14,2%), ۇلىتاۋ (14,2%), اتىراۋ (13,8%), اقتوبە (13,5%) وبلىس­تارىندا, سون­داي-اق شىمكەنت  (13,2%), استانا قالاسىندا (13%) تىركەلدى», دەپ اتاپ ءوتتى ا.ءامرين. 

قازان ايىندا ايلىق ينفلياتسيا 0,5%-دى قۇراپ, قىركۇيەك ايىنان تومەن بولدى. ازىق-ت ۇلىك ينفلياتسياسى 1%, ازىق-ت ۇلىكتىك ەمەس ينفلياتسيا 1,2% بولدى.

بارلىق وڭىردە كوكونىس ساتىپ الۋ تولىعىمەن اياقتال­دى. كوكونىس پەن سيىر ەتى باعا­لارىن تۇراقتان­دىرۋ ماقساتىن­دا اۋىل شارۋاشىلىعى مي­نيستر­­لىگى مەن اكىمدىك­تەر حا­لىق­­تىڭ ءۇش ايلىق سۇرانى­سىنا ساي­كەس ساتىپ الۋ كولە­مىن 30%-دان 50%-عا دەيىن ۇلعايتتى.

ناتيجەسىندە, نەگىزگى ونىم­دەر بويىنشا ساتىپ الۋ كولەمى كەلەسى كورسەتكىشتەرگە ءوستى: كارتوپ 117,5 مىڭ توننادان 146,8 مىڭ تونناعا (+25%); ءسابىز 28,1 مىڭ توننادان 35,3 مىڭ تونناعا (+26,6%); پياز 21 مىڭ توننادان 27,4 مىڭ تونناعا (+30,4%); قىرىققابات 26,6 مىڭ توننادان 37,2 مىڭ تونناعا (+43,6%); سيىر ەتى 1,6 مىڭ توننادان 9,9 مىڭ توننا­عا, بۇل باستاپقى كولەمنەن 6,2 ەسە ارتىق.

جيىندى قورىتىندىلاي كەلە,  ۆيتسە-پرەمەر اكىمدىكتەر مەن مەملەكەتتىك ورگاندارعا الەۋمەتتىك ماڭىزى بار ازىق-ت ۇلىك ونىمدەرىنەن بولەك, ازىق-ت ۇلىك ينفلياتسياسىنا اسەر ەتەتىن باسقا دا تاۋارلار (قىزاناق, قيار, ەت فارشى, تومات پاستاسى, بالىق جانە باسقا دا ونىمدەر) باعالارىن باقىلاۋدى كۇشەيتۋدى تاپسىردى. سونىمەن قاتار وتاندىق وندىرۋشىلەردىڭ ونىمدەرىنە حالىقتىڭ تىكەلەي قول جەتكىزۋىن قامتاماسىز ەتۋ ءۇشىن اۋىل شارۋاشىلىعى جارمەڭكەلەرىنىڭ سانىن ارتتىرۋ قاجەتتىگىن اتاپ ءوتتى.