سۋرەت: qaz365.kz
ءانشىنىڭ كاسىبي مانسابى ءدال وسى پاريج قالاسىندا الەمگە ايگىلى باستيليا وپەرا تەاترىنىڭ ءسوليستى رەتىندە باستالىپ, كەيىن ستراسبۋرگ, بوردو, رەنن جانە اۆينون قالالارىندا جالعاسىن تاپقان ەدى. ەكى ونجىلدىقتان كەيىن مايرا مۇحامەدقىزى فرانتسۋز تىڭدارماندارىنىڭ الدىندا دۇنيەجۇزىلىك وپەرا ساحناسىنىڭ تانىمال جۇلدىزى رەتىندە قايتا ونەر كورسەتتى.
قازاقستاننىڭ فرانتسياداعى ەلشىلىگى ۇيىمداستىرعان كەشتە ء«بىرجان سال», «ەر تارعىن» جانە «اباي» وپەراسىنان الىنعان اريالار, سونداي-اق ءانشى شەبەر ورىنداعان قازاقتىڭ حالىق اندەرى كورەرمەن ىقىلاسىنا بولەندى.
ساحنا تورىندە مايرا مۇحامەدقىزىمەن بىرگە پيانيست اليار وتەتىلەۋ, شىمكەنت قالالىق وپەرا جانە بالەت تەاترىنىڭ كۆارتەتى ونەر كورسەتتى. ولاردىڭ شەبەرلىگى ءاربىر تۋىندىعا ەرەكشە ەموتسيالىق اسەر سىيلادى.
فرانتسۋز كورەرمەندەرى كونتسەرتتى قوشەمەتپەن قارسى الىپ, ءاربىر ورىنداۋدى ۇزاق قول شاپالاقپەن قازاق مادەنيەتىنە دەگەن شىنايى قىزىعۋشىلىق تانىتتى.
كەشتىڭ قۇرمەتتى قوناقتارىنىڭ قاتارىندا قازاقستان مەن فرانتسيانىڭ ونەر جانە مادەنيەت قايراتكەرلەرى, ديپلوماتيالىق كورپۋس پەن ىسكەر توپتاردىڭ وكىلدەرى, سونداي-اق ءپاريجدىڭ 8-وكرۋگىنىڭ اكىمى جاننا د’وتسەرر بولدى.
