ونىڭ ايتۋىنشا, قازىرگى كۇردەلى گەوساياسي احۋالدا كوميسسيا ءوزىنىڭ بارلاۋ مۇمكىندىكتەرىن كۇشەيتۋدى قاراستىرىپ وتىر. وسى ماقساتتا ەك باس حاتشىلىعىنىڭ قۇرامىندا ارنايى بولىمشە قۇرىلماق. بۇل بولىمشە ەك القاسىنىڭ قاۋىپسىزدىك ماسەلەلەرىنە قاتىستى وتىرىستارىنا دايىندىق كەزىندە ماڭىزدى ءرول اتقارماق. دەگەنمەن ۋيۆاري ازىرلەنىپ جاتقان شەشىم ءالى «ەرتە ساتىدا» ەكەنىن اتاپ ءوتتى.
بۇعان دەيىن Financial Times گازەتى دەرەككوزدەرگە سىلتەمە جاساپ حابارلاعانداي, ەك توراعاسى ۋرسۋلا فون دەر ليايەننىڭ باسشىلىعىمەن جاڭا بارلاۋ ورگانى ۇلتتىق بارلاۋ ورگاندارى جينايتىن دەرەكتەردى تيىمدىرەك پايدالانۋ ماقساتىندا قۇرىلماق.
جاڭا بولىمشەنىڭ پايدا بولۋى ەۋروپالىق كوميسسيانىڭ قاۋىپسىزدىك پەن بارلاۋ سالاسىنداعى ءوز تاۋەلسىزدىگىن ارتتىرۋعا, سونداي-اق ستراتەگيالىق شەشىمدەر قابىلداۋدا اقپاراتتى جىلدام جانە ءتيىمدى پايدالانۋعا مۇمكىندىك بەرەدى.
