فوتو: freepik.com
قۇرىلىستىڭ كەشىگۋ سەبەپتەرىن 24.kz ءتىلشىسى انىقتاعان.
زايسان اۋەجايىنىڭ قۇرىلىسى بيىل ناۋرىز ايىندا باستالعان. نىسان ءۇشىن ارنايى ورىن تاڭدالدى – ساتپاي اۋىلىنا جاقىن, بۇرىنعى اسكەري اەرودروم بازاسىندا, اۋدان ورتالىعىنان 25 شاقىرىم قاشىقتىقتا. قازىر سىرتقى كوممۋنيكاتسيالار جۇرگىزىلىپ, رۋلەجنايا جول, ۇشۋ-قونۋ جولاعى جانە پەررون دايىن. الايدا اۋەجاي عيماراتىنىڭ جوباسىن مەردىگەرلەر كەش الدى, بۇل قۇرىلىس مەرزىمىنىڭ وزگەرۋىنىڭ باستى سەبەبى بولدى.
قىسقى كەزەڭدە نىساندا جۇمىس توقتاتىلمايدى. قازىرگى تەحنولوگيالار, بەتونعا قوسىلاتىن قوسپالار مەن قوسىندىلار سالقىن اۋا رايىندا دا قۇرىلىس جۇرگىزۋگە مۇمكىندىك بەرەدى. ىشكى ارلەۋ دە ەرەكشە دايىندىقتى قاجەت ەتپەيدى. مىندەت – عيماراتتاردى اياقتاۋ, ال جازعا قاراي اۋەجايدى تولىق پايدالانۋعا بەرۋ. بىراق باستى باسىمدىق – ساپا. مىسالى, بولاشاق ۇشۋ-قونۋ جولاعىنىڭ سەنىمدىلىگىن قامتاماسىز ەتۋ ءۇشىن ونىڭ استىنداعى توپىراق 2 مەتر تەرەڭدىكتە اۋىستىرىلىپ, جاڭارتىلدى.
«بۇل جوبانى جاڭا جىلعا دەيىن اياقتاۋ جوسپارلانعان ەدى. بىراق جوبا نولدەن جاسالعاندىقتان, قۇجاتتار كەشىگىپ كەلدى. سونىمەن قاتار, لوگيستيكا وسى كەزەڭگە دەيىن قيىن بولدى. قازىر بارلىق جۇمىستار قالىپقا كەلتىرىلدى.
قۇرىلىس ماتەريالدارىن 500 شاقىرىم قاشىقتىقتاعى وسكەمەننەن جەتكىزۋ تۋرالى ءسوز بولىپ وتىر. سونىمەن قاتار, «ومسك-مايقاپشاگاي» جولى ءالى سالىنىپ جاتقان ەدى. قازىر جول اشىق, بارلىق قيىندىقتار ارتتا قالدى, قۇرىلىسشىلار ۋاقىتتى قالپىنا كەلتىرۋگە تىرىسىپ جاتىر», دەيدى جوبا جەتەكشىسى ەربول تاجيباەۆ.
«كامەندى ماتەريالمەن نەگىز بەكىتىلدى. سودان كەيىن قۇم-شاعال قوسپاسى, قيىرشىق تاس قاباتى جانە ءۇش قابات اسفالتوبەتون توسەلەدى», دەيدى قۇرىلىس ۋچاسكەسىنىڭ باستىعى سابيت ساحاريانوۆ.
