سۋرەتتى تۇسىرگەن – يگور بۋرگاندينوۆ
بيىل قور اۋقىمدى ترانسفورماتسيا جۇرگىزىپ, قولدانىستاعى قۇرالداردىڭ تيىمدىلىگىن ارتتىردى. ناتيجەسىندە, استاناداعى شاعىن جانە ورتا بيزنەس سۋبەكتىلەرىنە كورسەتىلەتىن كومەك كولەمى ايتارلىقتاي ءوستى. ماسەلەن, ماۋسىم ايىندا ىسكە قوسىلعان «ورلەۋ» باعدارلاماسى ارقىلى كاسىپكەرلەر 12,6%-دىق تۇراقتى مولشەرلەمەمەن 10 جىلعا دەيىن نەسيە الا الادى. وسى باعدارلاما اياسىندا ەلوردادا جالپى سوماسى 63,6 ملرد تەڭگەگە 109 جوبا قارجىلاندىرىلدى.
كەپىلدىك بەرۋ باعىتى بويىنشا دا ەلەۋلى ناتيجەلەر بار. مەملەكەت باسشىسىنىڭ تاپسىرماسىمەن ىسكە قوسىلعان ەكى «كەپىلدىك قورى» ارقىلى بيىل 290 جوباعا 60,7 ملرد تەڭگە كولەمىندە قولداۋ كورسەتىلدى. كەپىلدىك نەسيە سوماسىنىڭ 85%-ىنا دەيىن جابىلادى. سونداي-اق سۋبسيديالاۋ قۇرالى ارقىلى 226 جوباعا 38,9 ملرد تەڭگە كولەمىندە كومەك بەرىلدى. جالپى العاندا, استانا قالاسى كاسىپكەرلىكتى مەملەكەتتىك قولداۋ باعدارلامالارى بويىنشا رەسپۋبليكادا كوش باستاپ تۇر.
«دامۋ» قورىنىڭ وڭىرلىك فيليالىنىڭ ديرەكتورى سۆەتلانا نازاريۋكتىڭ ايتۋىنشا, جىل ىشىندە قور قولداۋىنىڭ ارقاسىندا 2,1 مىڭ جاڭا جۇمىس ورنى اشىلىپ, 10,5 مىڭ جۇمىس ورنى ساقتالعان. بۇل ەلورداداعى جۇمىسپەن قامتۋدى ارتتىرۋ مەن ەكونوميكالىق بەلسەندىلىكتى ىنتالاندىرۋعا زور ىقپال ەتكەن.
قولداۋ تاپقان تابىستى جوبالاردىڭ قاتارىندا «Tazau» جشس, «Yans» جشس مەن «تاتىم» جك بار. ماسەلەن, «Tazau» سۋ تازارتۋ جۇيەلەرىن شىعارۋ ءوندىرىسىن دامىتۋ ءۇشىن 200 ملن تەڭگە نەسيە الىپ, ەكولوگيالىق تەحنولوگيالاردى ەنگىزۋدە. «Yans» كاسىپورنى ءبىر رەتتىك ىدىستار مەن قاپتامالار شىعارۋ ءوندىرىسىن كەڭەيتۋگە 320 ملن تەڭگە نەسيە مەن 1,8 ملرد تەڭگە جەڭىل نەسيە راسىمدەدى. ال «تاتىم» ناۋبايحاناسى سۋبسيديالاۋ باعدارلاماسى ارقاسىندا ءوندىرىسىن جاڭعىرتىپ, ءونىم ساپاسىن ارتتىردى.
«Tazau» كومپانياسى تۇرمىستىق, جاۋىن-شاشىن مەن ونەركاسىپتەگى اعىن سۋلاردى تازارتۋعا ارنالعان شەشىمدەردى ازىرلەۋ مەن وندىرۋگە, سونداي-اق سىرتقى ينجەنەرلىك جەلىلەرگە ارنالعان جابدىقتار شىعارۋعا ماماندانعان. «Tazau» ون جىلدان بەرى تمد ەلدەرىندە تابىستى جوبالاردى جۇزەگە اسىرىپ كەلەدى. كاسىبي كوزقاراس, زاماناۋي جابدىق پەن وزىق تەحنولوگيا ەنگىزۋدىڭ ارقاسىندا كاسىپورىن ەكولوگيالىق قاۋىپسىزدىك پەن ورنىقتى دامۋ سالاسىنداعى سەنىمدى سەرىكتەس رەتىندە بەدەلگە يە.
ءبىر رەتتىك ىدىستار مەن قاپتامالار وندىرەتىن وتاندىق – «Yans» جشس ەل بويىنشا ساۋدا مەن ءوندىرىس ۇيىمدارىنا ساپالى ماتەريالدارىن جەتكىزەدى. ول ىشكى نارىقتاعى ءوز پوزيتسياسىن نىقتاي وتىرىپ, ەلىمىزدىڭ وڭدەۋ ونەركاسىبىنىڭ دامۋىنا سەرپىن بەرىپ, جاڭا جۇمىس ورىندارىن اشىپ, كاسىپكەرلىك الەۋەتتى ارتتىرۋعا ەلەۋلى ۇلەس قوسىپ وتىر.
مەملەكەتتىك قولداۋدىڭ ءارتۇرلى تابىستى مىسالدارى مەملەكەتتىك باعدارلامالار مەن قۇرالداردىڭ ونەركاسىپتىك ءوندىرىس پەن قايتا وڭدەۋ سالالارىنان باستاپ ازىق-ت ۇلىك جانە تاعام تەحنولوگيالارى سالالارىنا دەيىنگى كەڭ اۋقىمدى قامتيتىنىن ايقىن كورسەتەدى.
قولداۋ تەتىكتەرىن ءتيىمدى پايدالانا وتىرىپ, شاعىن بيزنەستى دامىتۋدىڭ ءساتتى ۇلگىسى رەتىندە «تاتىم» جك اتاپ وتۋگە بولادى. بۇل – زاماناۋي تەحنولوگيالاردى پايدالانا وتىرىپ, بىرەگەي رەتسەپتتەر بويىنشا ەكسكليۋزيۆ نان تۇرلەرىن پىسىرەتىن وتاندىق كاسىپورىن. كومپانيا ءوز ونىمىندە وتباسىلىق ناۋبايشىلىق ءداستۇرى مەن يننوۆاتسيالىق وندىرىستىك تاسىلدەردى شەبەر ۇيلەستىرىپ, تۇتىنۋشىلارعا جوعارى ساپالى ءارى ەرەكشە دامگە يە نان ونىمدەرىن ۇسىنىپ ءجۇر.
وتكەن جىلى «Alatau City Bank» اق ارقىلى نەسيە العاندا «ۇلتتىق جوبا» باعدارلاماسى اياسىندا «تاتىم» جك نەسيەسىنىڭ پايىزدىق مولشەرلەمەسىنىڭ ءبىر بولىگىن قور سۋبسيديالاپ قولداۋ كورسەتتى. جوعارى كاسىبيلىك, داستۇرگە ادالدىق پەن جۇيەلى مەملەكەتتىك قولداۋدىڭ ارقاسىندا «تاتىم» جك ەل نارىعىندا سەنىمدى ءارى تانىمال نان-توقاش ونىمدەرىن ءوندىرۋشىنىڭ ءبىرى رەتىندە ءوز پوزيتسياسىن نىعايتىپ, وتاندىق تاعام ونەركاسىبى مەن ەلدىڭ ازىق-ت ۇلىك قاۋىپسىزدىگىن دامىتۋعا ۇلەس قوسىپ ءجۇر.
قوردىڭ باسقارۋشى ديرەكتورى نۇربول جانابەكوۆ اتاپ وتكەندەي, «دامۋ» قورىنىڭ باستى ماقساتى – بيزنەستى قارجىلاي قولداۋمەن قاتار, ەل ەكونوميكاسىنىڭ تۇراقتى دامۋىنا جانە حالىقتىڭ ءومىر ساپاسىن ارتتىرۋعا ۇلەس قوساتىن كاسىپكەرلىك ەكوجۇيەسىن قالىپتاستىرۋ.
«دامۋ» قورىنىڭ قولداۋى بۇگىندە استانا كاسىپكەرلەرى ءۇشىن تەك قارجىلىق دەمەۋ ەمەس, يننوۆاتسيا مەن ءوندىرىس جاڭعىرۋىنىڭ سەنىمدى تەتىگىنە اينالىپ وتىر.
