كارديوحيرۋرگيالىق كومەك قولجەتىمدى

باعدارلامانى دايىن­داۋ بارىسىن­دا جو­عارى تەحنولو­گيا­لىق مەديتسينالىق كومەك­تىڭ قولجەتىمدىلىگىن جاقسارتۋ ماسەلەلەرىنە, ءوڭىردىڭ مەديتسي­نالىق ۇيىمدارى قىزمەتىنىڭ جۇمىسىنا كەشەندى تالداۋ جۇرگىزىلدى, وزەكتى ماسەلەلەر انىقتالدى, ولاردى كەزەڭ-كەزەڭىمەن شەشۋ جونىندە شارالار ۇسىنىلدى. سونىڭ ءبىر دالەلىندەي, ۇلىتاۋلىقتارعا جوعارى تەحنولوگيالىق كارديو­­­­حيرۋرگيالىق كومەك قول­جەتىمدى بولدى.

ۇلىتاۋ وبلىسىندا العاش رەت بەس پاتسيەنتكە كارديوۆەرتەر-دەفيبريللياتوردى يمپلانتتاۋ بويىنشا جو­عارى تەحنولوگيالىق وپەراتسيا جاسالدى. وپەرا­تسيالار دەنساۋلىق ساقتاۋ مينيسترلىگىنىڭ, الەۋ­مەتتىك مەديتسينالىق ساق­تاندىرۋ قورىنىڭ, «قازاقمىس» كور­پوراتسياسىنىڭ قول­داۋىمەن, «جەزقازعان» مەدي­تسينالىق ورتالىعىنىڭ بازاسىندا ورىندالدى. جوبا جەتەكشىسى – UMC Heart Center ينتەرۆەنتسيالىق اريتمولوگيا بولىمشەسىنىڭ مەڭگەرۋشىسى ومىربەك مۇز­دار ۇلى.

بۇعان دەيىن سىرقات ادامدار مۇنداي قىزمەتتەردى استانا, الماتى, باسقا دا ءىرى قالالاردىڭ مەديتسينالىق ورتا­لىقتارىنان الاتىن. ەندى كارديوحيرۋرگيالىق كومەك جەرگىلىكتى جەردە كورسەتىلەدى. بۇل ەمدەلۋگە كەتەتىن شىعىن مەن كۇتۋ ۋاقىتىن قىسقارتادى. ايتا كەتەرلىگى, وپەراتسيالار ءمامس جۇيەسى شەڭبەرىندە ورىندالادى. دەمەك, ءوڭىردىڭ ءاربىر ساقتاندىرىلعان پاتسيەن­تىنە قولجەتىمدى بولادى.

ۇلىتاۋ وبلىسى