وقۋ-اعارتۋ ءمينيسترى جۇلدىز سۇلەيمەنوۆا مەن قازاقستان جازۋشىلار وداعىنىڭ باسقارما توراعاسى مەرەكە قۇلكەنوۆ كەزدەسۋ بارىسىندا مەكتەپ باعدارلاماسىنداعى قازاق ادەبيەتىنىڭ ءرولىن ارتتىرۋ, جاس جازۋشىلاردى قولداۋ جانە وقۋشىلاردىڭ كىتاپ وقۋعا دەگەن قىزىعۋشىلىعىن كۇشەيتۋ سەكىلدى ماسەلەلەردى تالقىلاپ, بىرلەسكەن جوبالاردى جۇزەگە اسىرۋ جايىن ءسوز ەتتى.
مينيستر جۇلدىز سۇلەيمەنوۆا ءبىلىم بەرۋ مازمۇنىن جاڭارتۋ بارىسىندا ۇلتتىق ادەبيەتتى كەڭىنەن ناسيحاتتاۋدىڭ ماڭىزدى ەكەنىن اتاپ ءوتتى. ال, قازاقستان جازۋشىلار وداعىنىڭ باسقارما توراعاسى جاس بۋىننىڭ رۋحاني دامۋى مەن كوركەم ادەبيەتكە جاقىن بولۋىنا جازۋشىلاردىڭ دا بەلسەندى ۇلەس قوساتىنىن جەتكىزدى.
كەزدەسۋ قورىتىندىسى بويىنشا تاراپتار الداعى ۋاقىتتا ىنتىماقتاسا وتىرىپ ورتاق ءىس-شارالار ۇيىمداستىرۋعا ۋاعدالاستى.
