فوتو: قتف ءباسپاسوز قىزمەتى
ەلەنا رىباكينا بەس ماتچتىڭ بارىندە جەڭىسكە جەتىپ, ايەلدەر تەننيسى تاريحىنداعى ەڭ ءىرى جۇلدە قورىنىڭ يەگەرى بولدى. جۇلدەنىڭ جالپى سوماسى 5 ميلليون 235 مىڭ اقش دوللارى, بۇل شامامەن 3 ميلليارد تەڭگەگە تەڭ.
ء«يا, بۇل شىنىندا دا وتە ۇلكەن سوما. شىنىمدى ايتسام, ازىرگە بۇل تۋرالى كوپ ويلانعانىم جوق. ارينە, بۇل قۋانىشتى ءسات. كوماندا جانە وتباسىممەن بىرگە بۇل جەڭىستى جاقسى اتاپ وتەمىز دەپ ويلايمىن», دەدى رىباكينا جەڭىستەن كەيىنگى ءباسپاسوز ءماسليحاتىندا.
ايتا كەتەيىك, فينالدا قازاقستاندىق تەننيسشى الەمنىڭ ءبىرىنشى راكەتكاسى, بەلارۋس ەلىنىڭ وكىلى ارينا سوبولەنكونى تىزە بۇكتىردى.
بۇل جەڭىس ەلەنا رىباكينا ءۇشىن كارەراسىنداعى ەڭ ءىرى ەكىنشى اتاق بولدى. ول بۇعان دەيىن 2022 جىلى ۋيمبلدون تۋرنيرىندە توپ جارعان ەدى.
سونىمەن قاتار رىباكينا ازيا ەلدەرىنىڭ ىشىنەن WTA قورىتىندى ءتۋرنيرىن جەڭگەن تۇڭعىش تەننيسشى اتاندى. ونىڭ تاريحي جەتىستىگى ءۇشىن قازاقستان پرەزيدەنتى سپورتشىنى قۇتتىقتاپ, «بارىس» وردەنىنىڭ III دارەجەسىمەن ماراپاتتاۋ تۋرالى جارلىققا قول قويدى.
