قىزمەتتى كومپيۋتەردەن ىسكە قوسۋ ءۇشىن egov.kz سايتىندا جەكە كابينەتكە كىرىپ, «سەرۆيستەر» ءبولىمىن اشىپ, «بانكتىك قارىزدار, ميكروكرەديتتەردى الۋدان ەرىكتى تۇردە باس تارتۋدى» تاڭداپ, ەلەكتروندىق نىساندى تولتىرىپ, وتىنىشكە ەتسق-مەن قول قويۋ قاجەت, ناتيجەسى «قىزمەتتەردى الۋ تاريحى» بولىمىندە كورسەتىلەدى.
قىزمەتتى سونداي-اق E-gov ءموبيلدى قوسىمشاسى ارقىلى پايدالانۋعا بولادى. ول ءۇشىن «قىزمەتتەر» بولىمىندە «سالىقتار مەن قارجى» تاڭداۋ كەرەك, سودان كەيىن «كرەديت الۋدان ەرىكتى تۇردە باس تارتۋ» قىزمەتىن تاڭداۋ قاجەت. وسىدان كەيىن دەرەكتەردى تولتىرىپ, سۇرانىستى ەلەكتروندى تۇردە راستاۋ قاجەت.
قىزمەتتى ىسكە قوسقاننان كەيىن كرەديتتىك تاريحتا قارىز الۋدان باس تارتۋ تۋرالى بەلگى پايدا بولادى. كرەديتتىك بيۋرولارعا جۇگىنەتىن بانكتەر مەن ميكروقارجى ۇيىمدارىنا بۇل اقپارات قولجەتىمدى بولادى. كرەديت الۋعا ءوتىنىم تۇسكەن جاعدايدا قارجى ۇيىمدارى ونى بەرۋدەن باس تارتۋ تۋرالى شەشىم قابىلدايدى. ەگەر بەلگىلەنگەن تىيىم سالۋعا قاراماستان, قارىز ءسىزدىڭ كەلىسىمىڭىزسىز رەسىمدەلەتىن بولسا, وندا ول ەسەپتەن شىعارۋعا جاتادى.
قاجەت بولعان جاعدايدا قىزمەتتى كەز كەلگەن ۋاقىتتا جويۋعا بولادى. بۇل رەتتە, مۇنداي شەكتەۋ قارىز الۋشىلاردى تەكسەرۋ ءۇشىن كرەديتتىك بيۋرولاردى پايدالانبايتىن لومباردتار مەن باسقا ۇيىمدارعا قولدانىلمايتىنىن ايتا كەتۋ كەرەك.
