كەشە كەشكىلىك پاۆلودار قالاسىندا قۇرىلىس الاڭىندا — اكىمشىلىك عيماراتتى جەكە مەكتەپكە بەيىمدەۋ ماقساتىنداعى قايتا جاڭارتۋ جۇمىستارى كەزىندە توبە جابىندىسى قۇلاعان. ءۇيىندى استىندا 1967 جىلى تۋعان ەر ادام قالىپ قويعان.
وقيعا ورنىنا جەدەل تۇردە پاۆلودار وبلىسى توتەنشە جاعدايلار دەپارتامەنتىنىڭ 20 قىزمەتكەرى مەن 6 ارنايى تەحنيكا جۇمىلدىرىلدى. اۆاريالىق-قۇتقارۋ جۇمىستارىن جۇرگىزۋ ءۇشىن تەپلوۆيزورمەن جابدىقتالعان ۇشقىشسىز ۇشۋ اپپاراتى جانە كينولوگتار بريگاداسى جۇمىس ىستەدى.
بۇگىن تاڭەرتەڭ ساعات تورتتەردە قۇتقارۋشىلار ءۇيىندى استىندا قالعان ەر ادامنىڭ جاتقان جەرىن انىقتاعان. وكىنىشكە قاراي, ونى امان الىپ قالۋ مۇمكىن بولماعان.
- مەملەكەتتىك ورگاندار تاراپىنان مارقۇمنىڭ وتباسىنا جان-جاقتى قولداۋ مەن قاجەتتى كومەك كورسەتىلەتىن بولادى. سونداي-اق پاۆلودار قالاسىنىڭ اكىمدىگى مارقۇمنىڭ وتباسىنا قۇرىلىس نىسانىندا جۇمىس جۇرگىزگەن مەردىگەر ۇيىم مەن تاپسىرىس بەرۋشى - جەكە كاسىپكەر تاراپىنان كومەك كورسەتىلۋىن باقىلاۋعا الادى.
اتالعان وقيعا بويىنشا پوليتسيا «قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ» بابى بويىنشا قىلمىستىق كودەكسكە سايكەس ءىس قوزعادى.
قازىرگى تاڭدا وقيعانىڭ بارلىق ءمان-جايىن انىقتاۋ ماقساتىندا تەرگەۋ امالدارى جۇرگىزىلۋدە, - دەپ حابارلادى پاۆلودار وبلىسى اكىمىنىڭ ءباسپاسوز قىزمەتىنەن.
پاۆلودار وبلىسى
