اقىن جەرىندەگى ساياحات الەۋمەتتىك جەلىدە اسپەتتەلۋدە

شىعىس وڭىرىندە «اباي جە­رىندەگى ساياحات» اتتى بلوگ-ساپار ءوتتى. ابايدىڭ 170 جىلدىق مەرەيتويى اياسىندا شىعىس قازاقستانعا ارنايى كەلگەن بلوگەرلەر قاۋىمى ءبىر اپتا بويى وڭىردەگى تاريحي-مادەني ەسكەرتكىشتەرمەن تانىسىپ, اقىننىڭ تۋعان جەرىندە بولدى. سونداي-اق, ولار وبلىستاعى تۋ­ريس­تىك جانە سپورتتىق كلاستەردىڭ دامۋىمەن تانىستى. بلوگ-ساپار باع­دارلاماسى وبلىس ورتالىعىن­دا باس­تالىپ, الەۋمەتتىك جەلىنى بەل­سەن­دى قولدانۋشىلار ەرتىستىڭ سول جاعا­لاۋىنداعى ساياباق كەشەنىندە, ەتنو­اۋىلدا, اشىق اسپان استىنداعى مۋزەيدە, حاليفا التاي اتىنداعى وبلىس­تىق مەشىتتە, وبلىستىق دراما تەات­رىندا بولدى. سونىمەن بىرگە, جاڭا سپورتتىق نىساندار – و.رى­پاكوۆا اتىنداعى جەڭىل اتلەتيكا مانەجى, ورتالىق باسسەين جانە جەك­پە-جەك سارايىنداعى سپورتتىق كلاس­تەر­دى دامىتۋ جوباسىمەن تانىستى. – اسىرەسە, ەتنواۋىل ۇنادى. قا­زاق, ورىس, كورەي, بەلورۋس, شەشەن, ۋكراين جانە باسقا دا ۇلتتاردىڭ قو­نىسىن كورىپ, ارقايسىسىنىڭ مادە­نيەتى مەن تاريحىنان حاباردار بولا الاسىز. بۇل ۇيلەردەگى ءار زات – باعالى جادىگەر. نەگىزىنەن, ەتنوس­تار وزدەرىنىڭ تاريحي جادىگەر­لەرىن وسىن­دا ورنالاس­تىرىپتى. ماعان چە­شەن مەن گرۋزيننىڭ قونىس­تارى ۇنادى, – دەپ جازدى اقىن ­ت.تاڭ­جا­رىق الەۋمەتتىك جەلى­دەگى جەكە پاراقشاسىندا. بلوگ-ساپار بارىسىندا قوناقتار وبلىس­تىڭ تۋريزم سالاسىن دامى­تۋداعى جوبالارىمەن دە تانىستى. كاتونقاراعاي جانە زىريان اۋداندارىندا اۋىلدىق ءتۋريزمدى دامىتۋ جوبالارى جونىندە بىلگەن ولار بەرەل قورعاندارى مەن مارال شارۋاشىلىقتارىندا بولدى. بەلگىلى بلوگەر ماكسيم روجين ءوز پاراقشاسىنا: «اباي جەرىنە ساياحات بارىسىندا شىعىس قازاقستان ءوڭىرىن­دە مەنى دە, ساپارلاستارىمدى دا قاتتى تاڭعالدىرعانى – كۇنباعىس القاپ­تارى. جەرگىلىكتى جىگىتتەردىڭ ايتۋىنشا, ەلىمىزدە ەگىلەتىن كۇنباعىستىڭ 80 پايىزى وسى وڭىردە جينالادى, – دەپ جازدى. سەمەي قالاسىندا جالعاسقان سايا­حات ارقىلى مەيماندار اباي مەرەيتويىنا ارنالعان مەرەكەلىك ءىس-شارالارعا قاتىستى. حاكىمنىڭ ءومىرى مەن شىعارماشىلىعىنا قاتىستى تىڭ دەرەكتەرمەن تانىسىپ, جيدەباي-ءبورىلى قورىق-مۇراجايىندا, «اباي-شاكارىم» مەموريالدىق كەشەنىندە بولدى. سونداي-اق, بلوگشىلاردى شاكارىم اتىنداعى سەمەي مەملەكەتتىك ۋنيۆەرسيتەتىندە وتكەن «اباي جانە الەمدىك وركەنيەت» اتتى عىلىمي-تاجىريبەلىك كونفەرەنتسيا مەن «ادامزاتتىڭ ابايى» اتتى سالتاناتقا قاتىستى. دۋمان اناش, «ەگەمەن قازاقستان».