قازاقستان حالقى اسسامبلەياسى كەڭەسىنىڭ قازاقستان رەسپۋبليكاسى پرەزيدەنتىن سايلاۋ جونىندەگى باستاماسىنا بايلانىستى حاتتار مەن جەدەلحاتتار كوپتەپ كەلۋدە, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسىنىڭ اتىنا ەلدەگى كاسىپورىندار مەن ۇيىمداردىڭ ەڭبەك ۇجىمدارىنان, ەتنومادەني بىرلەستىكتەردىڭ وكىلدەرى مەن قاراپايىم ازاماتتاردان كەلىپ جاتقان حاتتار لەگى ءالى دە جالعاسۋدا. اۆتورلار مەملەكەت باسشىسىنىڭ ەكونوميكالىق دامۋعا, حالىقتى الەۋمەتتىك قورعاۋعا, قوعامداعى تاتۋلىق پەن كەلىسىمگە باعىتتالعان ساياساتىن جالعاستىرۋدىڭ ماڭىزدىلىعىن اتاپ وتكەن.
«سەمەي ماشينا جاساۋ زاۋىتى» اق ۇجىمى رەسپۋبليكانىڭ ستراتەگيالىق ماقساتتارىنا قول جەتكىزۋ ءۇشىن ءارى قاراي دا جۇمىلا جۇمىس ىستەۋ قاجەتتىگىن اتاپ وتكەن.
«ءدال بۇگىن بىرلىك پەن تۇراقتىلىقتى نىعايتۋ اسا ماڭىزدى, سوندىقتان ءبىز ءسىزدى ەل پرەزيدەنتى لاۋازىمىنا لايىقتى كانديدات سانايمىز. بۇگىنگى بەرەكەمىز بەن بولاشاعىمىزدى سىزبەن عانا بايلانىستىرامىز», – دەلىنگەن حاتتا.
«قازاقستان ەلەكتروليز زاۋىتى» اق جۇمىسشىلارى كورسەتكەن قولداۋى مەن قامقورلىعى ءۇشىن العىس ايتا وتىرىپ, وزدەرىنىڭ بارلىق جەتىستىكتەرىن مەملەكەت باسشىسىنىڭ اتىمەن بايلانىستىراتىنىن ايتقان.
«ءبىز قازاقستاندى ءسىزدىڭ باسشىلىعىڭىزبەن جاڭا جەتىستىكتەر, ەكونوميكالىق دامۋ جانە وركەندەۋ كەزەڭى كۇتىپ تۇرعانىنا سەنىمدىمىز. مۇنداي كۇردەلى جولدا بىزگە ناق وسىنداي پرەزيدەنت كەرەك», – دەپ جازادى اۆتورلار.
ەۋرازيالىق توپتىڭ مىڭداعان ادامدى قۇرايتىن ەڭبەك ۇجىمىنىڭ مۇشەلەرى پرەزيدەنتتىك سايلاۋ وتكىزۋ ەلباسىنىڭ باسشىلىعىمەن جۇرگىزىلىپ جاتقان ەكونوميكالىق ساياساتتىڭ ۇزاقمەرزىمدىلىگى مەن ورنىقتىلىعىنا دەگەن ينۆەستورلار مەن بيزنەس قوعامداستىقتىڭ سەنىمىن ارتتىراتىنىنا نازار اۋدارعان.
«ءسىز جۇرگىزىپ وتىرعان ساياساتتىڭ توڭىرەگىندە ودان ءارى توپتاسۋ ەلدىڭ جۇيەلى دامۋىنىڭ, بارلىق قازاقستاندىقتاردىڭ باق-بەرەكەسىنىڭ كەپىلى بولىپ سانالادى», – دەلىنگەن حاتتا.
«شۇباركول كومىرى» اق ۇجىمى سايلاۋ ناۋقانىن وتكىزۋ قازاقستان قوعامىنداعى ساياسي تۇراقتىلىق پەن كەلىسىمنىڭ ساقتالۋىنا سەپتىگىن تيگىزەتىنىن اتاپ وتكەن.
«ءبىز ءسىزدىڭ ساياساتىڭىزدى ءاردايىم بەلسەنە قولدادىق, سىزگە داۋىس بەردىك. ءبىزدىڭ شەشىمىمىز دۇرىس بولعاندىعىن كۇن سايىنعى جاڭعىرۋلار راستاپ وتىر», – دەپ جازادى اۆتورلار.
بۇل پىكىرگە ENRC Logistics كولىك توبىنىڭ جۇمىسشىلارى دا قوسىلعان.
«ەۋرازيالىق ەنەرگەتيكالىق كورپوراتسيا» اق شاحتەرلارى مەن ەنەرگەتيكتەرى نۇرسۇلتان نازارباەۆتىڭ باسشىلىعىمەن جۇزەگە اسىپ جاتقان ەلىمىزدىڭ قارقىندى دامۋىنا ءوز قولداۋلارىن بىلدىرگەن.
«ءسىزدىڭ جىلدان-جىلعا ءجۇرگىزىپ كەلە جاتقان كورەگەن ساياساتىڭىزدىڭ ارقاسىندا قازاقستان بۇگىندە تمد ەلدەرى ىشىندە ەكونوميكالىق ءوسىم مەن الەۋمەتتىك كەپىلدىكتەر جونىنەن كوش باسىندا كەلەدى. ءسىزدىڭ باستاماڭىزبەن ەلدە داعدارىسقا قارسى ءتيىستى شارالار قابىلدانىپ, ينفراقۇرىلىمدىق جوبالار جۇزەگە اسۋدا, مىڭداعان جۇمىس ورىندارى اشىلۋدا. ءبىز «قازاقستان-2050» ستراتەگياسىن جان-جاقتى قولدايمىز», – دەلىنگەن حاتتا.
الماتى وبلىسىنىڭ مامبەت اۋىلىنداعى شارۋا قوجالىعىنىڭ باسشىسى ن.بەكەشەۆا ءوزىنىڭ وتباسى مەملەكەت باسشىسىنىڭ قىزمەتىن تولىق ماقۇلدايتىنىن مالىمدەگەن جانە سايلاۋعا قاتىسادى دەپ ۇمىتتەنەتىنىن جەتكىزگەن.
الماتى وبلىسى ۇلەسكەرلەرىنىڭ بىرىڭعاي ۇيلەستىرۋ كەڭەسىنىڭ مۇشەلەرى تاۋەلسىزدىك جىلدارىندا ەل ازاماتتارىنىڭ الاڭسىز ءومىر ءسۇرىپ, مەملەكەت قامقورلىعىن سەزىنگەنىنە توقتالعان.
«سىزدەن سايلاۋ وتكىزۋدى جانە ءوز كانديداتۋراڭىزدى قازاقستان رەسپۋبليكاسى پرەزيدەنتى لاۋازىمىنا ۇسىنۋىڭىزدى سۇرايمىز. ءبىز سايلاۋعا بەلسەنە قاتىسامىز جانە سىزگە داۋىس بەرەمىز», – دەپ جازادى اۆتورلار.
ورال قالالىق سوعىس جانە ەڭبەكتىڭ ارداگەر مۇعالىمدەرى كەڭەسىنىڭ ءتورايىمى س.يمانعاليەۆا قازاقستان بۇل كۇندە زاماننىڭ بىرقاتار سىن-قاتەرلەرىمەن بەتپە-بەت كەلگەنىن, بىراق ەلىمىز العا قويىلعان مىندەتتەردى شەشۋگە جەتكىلىكتى رەسۋرستار مەن مۇمكىندىكتەرگە يە ەكەنىن اتاپ وتكەن.
«ءبىز قازاقستان حالقى اسسامبلەياسىنىڭ باستاماسىن ءبىر اۋىزدان قولدايمىز. ءبىزدىڭ بارىمىزگە, ارداگەرلەرگە كوشباسشىمىز ءسىزدىڭ اينالاڭىزدا بۇرىنعىدان دا كۇشتىرەك ۇيىسا تۇسەتىن سىن ساعاتى جەتتى», – دەلىنگەن حاتتا.
اتىراۋ وبلىسىنىڭ دەنساۋلىق ساقتاۋ سالاسىنىڭ وكىلدەرى مەملەكەتتىڭ ستراتەگيالىق تابىستارىنا ءوز ۇلەسىن قوسۋ مۇمكىندىگى – ەلدىڭ مەديتسينالىق قوعامداستىعى ءۇشىن ءبىرىنشى كەزەكتەگى مىندەت ەكەنىن اتاپ وتكەن.
«ءبىز جاڭا بيىكتەرگە قاراي ءوز پرەزيدەنتىمىز – سىزبەن بىرگە العا ىلگەرىلەۋگە دايىنبىز», – دەپ جازادى اۆتورلار.
اتىراۋ قالاسىنداعى ن.تىلەنديەۆ اتىنداعى كىشى ونەر اكادەمياسى ۇجىمىنىڭ مۇشەلەرى قازاقستان حالقى اسسامبلەياسىنىڭ باستاماسىن زور ىقىلاسپەن قابىل العاندارىن مالىمدەگەن.
«قازاقستانعا بۇگىندە تۇراقتىلىقتى ساقتاۋ قاجەت ەكەنىن تۇسىنەمىز. بۇل سىزبەن بىرگە بولعاندا عانا جۇزەگە اسادى. ءسىز بۇكىل ەل قولدايتىن كوشباسشىسىز. قازاقستانىمىز وزىڭىزبەن بىرگە وركەندەي بەرسىن», – دەپ جازادى اۆتورلار.
اتىراۋ وبلىسىنىڭ عىلىمي زيالى قاۋىم وكىلدەرى مەملەكەت باسشىسىنا وتانىمىزعا ادال قىزمەتى ءۇشىن, سونداي-اق عىلىمدى دامىتۋ ماسەلەسىنە ايرىقشا كوڭىل ءبولىپ وتىرعانى ءۇشىن العىس ايتادى.
«ءسىزدىڭ بىلگەنىڭىزدى قالايمىز: بارلىق باستامالارىڭىزعا بايلانىستى بىزگە سەنىم ارتۋىڭىزعا بولادى. ءبىز – ءسىزدىڭ ادال جاقتاستارىڭىز ءارى پىكىرلەستەرىڭىز بولامىز. ءبىز سىزبەن بىرگە تۋعان ەلىمىزگە جانە وتاندىق عىلىمعا كوپ نارسە جاساي الامىز. سايلاۋ وتكەن جاعدايدا ءسىز ءوز باعدارىڭىزدى حالىقتىڭ تولىق قولدايتىنىنا تاعى دا كوز جەتكىزەسىز», – دەپ جازادى اۆتورلار.
«سالاۆات» باشقۇرت ەتنومادەني بىرلەستىگىنىڭ, «پاحتاكور» وزبەك ەتنومادەني بىرلەستىگىنىڭ جانە ماڭعىستاۋ وبلىسىنداعى «اللايار جولى» قاراقالپاق ەتنومادەني بىرلەستىگىنىڭ مۇشەلەرى پرەزيدەنتتىك سايلاۋدى وتكىزۋ تۋرالى باستامانى تولىق قولدايتىندارىن, نۇرسۇلتان نازارباەۆقا سەنەتىندەرىن ايتقان.
«ءبىز ءوز كوشباسشىمىزعا جانە ونىڭ جۇرگىزىپ وتىرعان ساياساتىنا سەنەمىز, تاتۋلىق پەن كەلىسىمدى قولدايمىز. بۇل – ءبىزدىڭ بولاشاعىمىز», – دەپ جازادى اۆتورلار.
قازاقستان حالقى اسسامبلەياسى كەڭەسىنىڭ ەل پرەزيدەنتىن سايلاۋدى وتكىزۋ جونىندەگى باستاماسىنا بايلانىستى مەملەكەت باسشىسىنىڭ اتىنا كەلىپ جاتقان حاتتار لەگى ءالى جالعاسۋدا.
