ۇلى وتان سوعىسىنان ەلگە ورالعان ارداگەرلەردىڭ باسىم بولىگى ۇرىس كەزىندە العان ءتۇرلى جاراقاتتارىنىڭ كەسىرىنەن ومىردەن وزعانى بەلگىلى. ولار ءتان جاراسىن ەلەمەستەن, مايداننان كەلگەن بەتتە ەل ەڭسەسىن تىكتەۋدى مۇرات تۇتىپ, بىلەك سىبانا ەڭبەك ەتتى. سول ءجۇز مىڭداعان اتالارىمىزدىڭ اراسىندا ءوزىنىڭ بار كۇش-جىگەرىن الەۋمەتتىڭ ءال-اۋقاتىن كوتەرۋگە جۇمساعان مەيرامبەك كامالوۆ تا بار ەدى.
اقمولا وبلىسىنداعى كەڭەس اۋىلىندا 1922 جىلى دۇنيەگە كەلگەن مەيرامبەك كامالوۆتىڭ بالالىق شاعى اۋمالى-توكپەلى زامانمەن تۇسپا-تۇس كەلگەن-ءدى. زامانا ىزعارىن جاستايىنان جۇرەگىمەن سەزىنىپ وسكەن جاس مەيرامبەك ەرتە ەسەيدى. ەلىنە, جەرىنە دەگەن سۇيىسپەنشىلىگى ونى اركەز جىگەرلەندىرىپ, العا جەتەلەدى. قاعىلەز, زەرەك, سەزىمتال بولىپ وسكەن ول ەلدىڭ ىسىنە ارالاسا باستاعاندا كەنەتتەن الاپات سوعىس باستالىپ كەتىپ, مايدانعا اتتانىپ كەتە باردى.
1942 جىلدىڭ 15 قاڭتارىندا اسكەري كوميسسارياتتان شاقىرتۋ العان جاس جىگىت كوپپەن بىرگە سوناۋ ۋكراينا جەرىن جاۋدان قورعاپ, نەبىر قانقۇيلى شايقاستارعا قاتىستى. نامىستى قولدان بەرمەدى. وتان الدىنداعى بورىشىن ادال وتەۋدەن باسقا ەشتەڭە ويلاماعان مەيرامبەك جاۋىنگەر دوستارىنىڭ سەنىمدى سەرىگى, كومانديرلەرىنىڭ جاۋجۇرەك ساربازى بولا ءبىلدى. مايدان دالاسىندا بىرنەشە رەت جاراقات العان ول گوسپيتالدان شىعا سالىسىمەن ءوز بولىمىنە قايتا ورالىپ وتىردى. الايدا, سوڭعى رەت سنارياد جارىقشاعىنان العان جاراقاتى جاۋىنگەرگە وتە اۋىر ءتيدى. ول دنەپروپەتروۆسك, فەرعانا قالالارىنداعى ەۆاكوگوسپيتالداردا ەم قابىلدادى. سودان, 1944 جىلدىڭ ماۋسىمىندا زاپاستاعى جاۋىنگەر رەتىندە ەلىنە قايتارىلدى.
سوعىستان ورالعان م.كامالوۆ ەلىنە كەلگەن بەتتە جۇمىسقا ارالاستى. ول اقمولا وبلىسىنداعى بىرقاتار اۋىلداردا ەسەپشىلىك قىزمەت اتقارا ءجۇرىپ, ەلىمىزدىڭ اۋىل شارۋاشىلىعى سالاسىنىڭ دامۋىنا سۇبەلى ۇلەس قوستى.
سوعىس باستالماي تۇرىپ ۇيلەنگەن جان جارى قاليمان نۇرماعانبەتقىزى ەكەۋى 52 جىل بىرگە جاسادى. ولار قۇدايدىڭ بەرگەن ۇل-قىزدارىن جەتىلدىرىپ, ءوسىرىپ باقىتتى وتباسى قۇرا ءبىلدى. 15 نەمەرە ءسۇيدى. بۇگىندە كامالوۆتار اۋلەتىنەن تاراعان ۇرپاق اتا-انالارىنىڭ ونەگەلى جولىن جالعاستىرىپ كەلەدى.
مەيرامبەك كامالوۆتىڭ سوعىستاعى ەرلىگى, بەيبىت ومىردەگى توككەن تەرى وتەۋسىز قالعان جوق. ول ءىى دارەجەلى « ۇلى وتان سوعىسى» وردەنىمەن, «ەرلىگى ءۇشىن», «ەڭبەك ارداگەرى» جانە باسقا دا كوپتەگەن مەدالدارمەن ماراپاتتالدى.
1994 جىلى 72 جاسىندا ومىردەن وزعان مايدانگەردىڭ ەسىمى ۇلى وتان سوعىسىنا قاتىسقان ارداقتى ارداگەرلەردىڭ قاتارىندا قۇرمەتپەن اتالىپ جۇرەتىنىنە سەنەمىز. ويتكەنى, ول جەڭىمپاز ارداگەرلەرىمىزدىڭ وكىلى.
جولدىباي بازار, «ەگەمەن قازاقستان».
استانا.
اقمولا وبلىسىنداعى كەڭەس اۋىلىندا 1922 جىلى دۇنيەگە كەلگەن مەيرامبەك كامالوۆتىڭ بالالىق شاعى اۋمالى-توكپەلى زامانمەن تۇسپا-تۇس كەلگەن-ءدى. زامانا ىزعارىن جاستايىنان جۇرەگىمەن سەزىنىپ وسكەن جاس مەيرامبەك ەرتە ەسەيدى. ەلىنە, جەرىنە دەگەن سۇيىسپەنشىلىگى ونى اركەز جىگەرلەندىرىپ, العا جەتەلەدى. قاعىلەز, زەرەك, سەزىمتال بولىپ وسكەن ول ەلدىڭ ىسىنە ارالاسا باستاعاندا كەنەتتەن الاپات سوعىس باستالىپ كەتىپ, مايدانعا اتتانىپ كەتە باردى.
1942 جىلدىڭ 15 قاڭتارىندا اسكەري كوميسسارياتتان شاقىرتۋ العان جاس جىگىت كوپپەن بىرگە سوناۋ ۋكراينا جەرىن جاۋدان قورعاپ, نەبىر قانقۇيلى شايقاستارعا قاتىستى. نامىستى قولدان بەرمەدى. وتان الدىنداعى بورىشىن ادال وتەۋدەن باسقا ەشتەڭە ويلاماعان مەيرامبەك جاۋىنگەر دوستارىنىڭ سەنىمدى سەرىگى, كومانديرلەرىنىڭ جاۋجۇرەك ساربازى بولا ءبىلدى. مايدان دالاسىندا بىرنەشە رەت جاراقات العان ول گوسپيتالدان شىعا سالىسىمەن ءوز بولىمىنە قايتا ورالىپ وتىردى. الايدا, سوڭعى رەت سنارياد جارىقشاعىنان العان جاراقاتى جاۋىنگەرگە وتە اۋىر ءتيدى. ول دنەپروپەتروۆسك, فەرعانا قالالارىنداعى ەۆاكوگوسپيتالداردا ەم قابىلدادى. سودان, 1944 جىلدىڭ ماۋسىمىندا زاپاستاعى جاۋىنگەر رەتىندە ەلىنە قايتارىلدى.
سوعىستان ورالعان م.كامالوۆ ەلىنە كەلگەن بەتتە جۇمىسقا ارالاستى. ول اقمولا وبلىسىنداعى بىرقاتار اۋىلداردا ەسەپشىلىك قىزمەت اتقارا ءجۇرىپ, ەلىمىزدىڭ اۋىل شارۋاشىلىعى سالاسىنىڭ دامۋىنا سۇبەلى ۇلەس قوستى.
سوعىس باستالماي تۇرىپ ۇيلەنگەن جان جارى قاليمان نۇرماعانبەتقىزى ەكەۋى 52 جىل بىرگە جاسادى. ولار قۇدايدىڭ بەرگەن ۇل-قىزدارىن جەتىلدىرىپ, ءوسىرىپ باقىتتى وتباسى قۇرا ءبىلدى. 15 نەمەرە ءسۇيدى. بۇگىندە كامالوۆتار اۋلەتىنەن تاراعان ۇرپاق اتا-انالارىنىڭ ونەگەلى جولىن جالعاستىرىپ كەلەدى.
مەيرامبەك كامالوۆتىڭ سوعىستاعى ەرلىگى, بەيبىت ومىردەگى توككەن تەرى وتەۋسىز قالعان جوق. ول ءىى دارەجەلى « ۇلى وتان سوعىسى» وردەنىمەن, «ەرلىگى ءۇشىن», «ەڭبەك ارداگەرى» جانە باسقا دا كوپتەگەن مەدالدارمەن ماراپاتتالدى.
1994 جىلى 72 جاسىندا ومىردەن وزعان مايدانگەردىڭ ەسىمى ۇلى وتان سوعىسىنا قاتىسقان ارداقتى ارداگەرلەردىڭ قاتارىندا قۇرمەتپەن اتالىپ جۇرەتىنىنە سەنەمىز. ويتكەنى, ول جەڭىمپاز ارداگەرلەرىمىزدىڭ وكىلى.
جولدىباي بازار, «ەگەمەن قازاقستان».
استانا.
