شىعارماشىلىق زەرتحانا تۋىندىنىڭ جازىلۋ سەبەبىن, قالامگەردىڭ سول ساتتەگى كوڭىل اۋانىن, جازۋشى ەڭبەگىنە ءتان بەلگى-ەرەكشەلىكتەردى ارقاۋ ەتەدى. ءدارىس بارىسىندا روزا مۇقانوۆا قازىرگى قازاق درامتۋرگياسىنىڭ ماسەلەلەرىنە توقتالىپ, پەسا جازۋ بارىسىندا ءوزى قولداناتىن درامالىق ءادىس-تاسىلدەرمەن ءبولىستى.
شىعارماشىلىق بەل-بەلەستەگى العاشقى اڭگىمەسى – «ايدانىڭ» جازىلۋ تاريحىنا توقتالىپ, وعان جازعان دۋلات يساباەۆتىڭ پىكىرىنىنەن كەيىن ادەبيەت الەمىنە قادام باسقان كەزىن ەسىنە الدى.
ادەبي ءىس-شاراعا قالا اكىمىنىڭ ورىنباسارى ەسەت بايكەن, قازاقستان جازۋشىلار وداعى استانا قالاسى فيليالىنىڭ توراعاسى باۋىرجان باباجان, جازۋشىلار ا. التاي, ءشاربانۋ بەيسەنوۆا, اقىن وڭايگۇل تۇرجان جانە وزگە دە زيالى قاۋىم وكىلدەرى, قالا تۇرعىندارى مەن ستۋدەنتتەر قاتىستى.
ءدارىس سوڭىندا جازۋشى تىڭدارماندارمەن ەركىن پىكىر الماسىپ, قويىلعان سۇراقتارعا جاۋاپ بەردى. ءىس-شارانىڭ تولىق نۇسقاسى YouTube ارناسىندا جاريالانىپ وتىرادى.
