فوتو: gov.kz
كەيىنگى ەكى ايدا وڭىرلەردەگى 300 مىڭعا جۋىق پەداگوگ جاساندى ينتەللەكتىنى ءتيىمدى پايدالانۋ بويىنشا ونلاين كۋرستان وتكەن. كۋرس بارىسىندا مۇعالىمدەر جاساندى ينتەللەكت قۇرالدارىن ءتيىمدى ءارى ەتيكالىق تۇرعىدان دۇرىس قولدانۋ داعدىلارىن ۇيرەنگەن. اتاپ ايتقاندا, وقۋ ماتەريالدارىن, تەستىلەردى, يلليۋستراتسيالار مەن ساباق جوسپارلارىن جىلدام ءارى ساپالى ازىرلەۋدى مەڭگەرگەن.
«باعدارلاما حالىقارالىق تاجىريبەگە نەگىزدەلىپ, قازاقستاندىق ءبىلىم بەرۋ جۇيەسىنىڭ ەرەكشەلىكتەرىنە بەيىمدەلە ازىرلەندى. جاساندى ينتەللەكت مۇعالىمدى الماستىرمايدى, كەرىسىنشە ونىڭ كومەكشىسىنە اينالادى. تسيفرلىق تەحنولوگيالاردى مەڭگەرگەن ۇستاز وقۋ ۇدەرىسىن جانداندىرىپ, ۋاقىتىن ۇنەمدەپ, وقۋشىلاردىڭ قىزىعۋشىلىعىن ارتتىرا الادى», دەدى ورتا ءبىلىم بەرۋ كوميتەتى توراعاسىنىڭ ورىنباسارى زەينەپ ماحسۋتوۆا.
ايتا كەتەيىك, اتالعان كۋرسقا قاتىسۋعا نيەتتى پەداگوگتەر reg.orleu.edu.kz سايتى ارقىلى تىركەلە الادى.
