فوتو: gov.kz
نەگىزگى مىندەت – حالىقتى ساپالى اۋىز سۋمەن 100% قامتاماسىز ەتۋ جانە اۋىلداعى دەنساۋلىق ساقتاۋ جۇيەسىن جاڭعىرتۋ. ارناۋلى مەملەكەتتىك قوردان بارلىعى 27 جوبانى جۇزەگە اسىرۋعا 17,7 ملرد تەڭگە بولىنگەن.
«جۇزەگە اسىرىلىپ جاتقان جوبالاردىڭ ىشىندە 11 سۋمەن قامتۋ جوباسى بار, ولاردىڭ ىسكە قوسىلۋى اۋىلدىق ەلدى مەكەندەردى ساپالى اۋىز سۋمەن قامتۋدى كەڭەيتىپ, حالىقتىڭ ءومىر ءسۇرۋ ساپاسىن جاقسارتۋعا مۇمكىندىك بەرەدى», دەلىنگەن حابارلامادا.
سونداي-اق 16 جوبا اۋىلدىق جەرلەردە العاشقى مەديتسينالىق-سانيتاريالىق كومەكتى دامىتۋعا باعىتتالعان. ولاردىڭ قاتارىندا سىرىم, اقجايىق, ءبورلى, جاڭاقالا جانە بايتەرەك اۋداندارىندا فەلدشەرلىك-اكۋشەرلىك پۋنكتتەر, دارىگەرلىك امبۋلاتوريالار مەن مەديتسينالىق پۋنكتتەر قۇرىلىسى بار. جاڭا دەنساۋلىق ساقتاۋ نىساندارىنىڭ اشىلۋى اۋىل تۇرعىندارىن بىلىكتى مەديتسينالىق كومەكپەن قامتاماسىز ەتىپ, اۋداندىق اۋرۋحانالارداعى جۇكتەمەنى ازايتادى.
ايتا كەتەيىك, قازىرگى ۋاقىتتا باتىس قازاقستان وبلىسىندا 15 جوبا تولىق اياقتالعان. جىل سوڭىنا دەيىن تاعى 10 نىسان پايدالانۋعا بەرىلەدى, ال قالعان ەكەۋىن 2026 جىلى اياقتاۋ جوسپارلانىپ وتىر.
