«پرەمەر-مينيستر مىرزا, مەن ءسىزدىڭ ۇكىمەتىڭىزدىڭ وتستاۆكاسىن قابىلدايمىن جانە جاڭا قۇرام تاعايىندالعانعا دەيىن ءوز مىندەتتەرىڭىزدى اتقارۋدى تاپسىرامىن», دەدى پەتر پاۆەل.
سونداي-اق ول فيالادان بارلىق مينيسترلىكتەردى جاڭا ۇكىمەتكە كەدەرگىسىز وتكىزىپ بەرۋدى قامتاماسىز ەتۋدى سۇرادى.
پەتر فيالا باستاعان ۇكىمەت چەحيا پارلامەنتى دەپۋتاتتار پالاتاسىنىڭ جاڭا شاقىرىلىمىنىڭ العاشقى وتىرىسىنان كەيىن وتستاۆكاعا كەتۋ تۋرالى شەشىم قابىلداعان.
ايتا كەتەيىك, قازان ايىنىڭ باسىندا چەحيادا وتكەن پارلامەنت سايلاۋىندا «ازاماتتاردىڭ نارازىلىق اكتسياسى» (ANO) پارتياسى جەڭىسكە جەتكەن بولاتىن.
ەكىنشى جانە ءۇشىنشى ورىنداردى بيلىك كواليتسياسى «SPOLU» مەن «ستاروستوۆە» پارتياسى يەلەندى.
سايلاۋدان كەيىن پرەزيدەنت پەتر پاۆەل پارلامەنتكە ەنگەن ساياسي پارتيالار مەن قوزعالىستاردىڭ جەتەكشىلەرىمەن كەڭەس وتكىزە باستاعان.
بۇعان دەيىن چەحيادا سايلاۋدا جەڭىسكە جەتكەن پارتيالار كواليتسيا قۇرۋ تۋرالى كەلىسىمگە قول قويعان ەدى. وعان ANO, SPD جانە Motorise قوزعالىستارى كىردى.
جاڭا چەحيا ۇكىمەتى جەلتوقسان ايىنىڭ ورتاسىنان كەشىكتىرمەي جۇمىسىن باستاۋى ءتيىس.
