ساپالى ينتەرنەت يگىلىگى

وبلىستىق تسيفرلاندىرۋ جانە ارحيۆتەر باسقارماسىنىڭ باسشىسى الماس كوپجانوۆتىڭ ايتۋىنا قاراعاندا, شالعايداعى ەلدى مەكەندەردى ساپالى ينتەرنەت جەلىسىمەن قامتۋ قارقىندى جۇرگىزىلىپ جاتىر. قازىر 14 اۋىل «OneWeb» سپۋتنيكتىك تەحنولوگياسىمەن ينتەرنەت جەلىسىنە قوسىلدى. «Jusan Mobile» اق-مەن بىرگە قوندىرىلعان تىڭ تەحنولوگيانىڭ يگىلىگىن يساتاي اۋدانىنداعى امانگەلدى, اۋقايران, مىڭتوبە, ايباس, جاسقايرات, قۇرمانعازى اۋدانىنىڭ شايحى, ماحامبەت اۋدانىنان بالا وراز, كەڭورىس, ەسماحان, سونداي-اق قىزىلقوعا اۋدانىندا بۇقار, جىلىوي اۋدانىنىڭ قاراشا اۋىلىندا تۇراتىن تۇرعىندار كورىپ وتىر.

ال يندەر اۋدانىنىڭ جارسۋات اۋىلدىق وكرۋگىندەگى قىزىلجار, اقتان, كەتەباي اۋىلىندا 37 ءتۇتىن تىركەلگەن. بۇل ەلدى مەكەندەردەگى 159 تۇرعىن جاڭا جىلدامدىعى جوعارى ينتەرنەت جەلىسىنە قول جەتكىزدى.

«باستى ماقسات – تۇرعىنداردىڭ ساپالى بايلانىس قىزمەتىن قولدانۋىنا ىقپال ەتىپ, اۋىلداردىڭ الەۋمەتتىك جانە ەكونوميكالىق دامۋىنا سەرپىن بەرۋ. «قولجەتىمدى ينتەرنەت» ۇلتتىق جوباسىنىڭ 2025–2027 جىلدارعا ارنالعان جوسپارىنا سايكەس تاعى 43 اۋىلعا تالشىقتى-وپتيكالىق كابەل ارقىلى ينتەرنەت جەلىسىن تارتۋ كوزدەلدى. ەندى الىس اۋىلداردىڭ تۇرعىندارى مەملەكەتتىك قىزمەتتى ونلاين تۇردە, قاشىقتان ءبىلىم الۋ جانە ءتۇرلى تسيفرلىق سەرۆيستەردى پايدالانۋ مۇمكىندىگىنە يە بولادى», دەدى الماس كوپجانوۆ.

ونىڭ دەرەگىنە بيىل بايلانىس ساپاسىن ارتتىرۋ ءۇشىن اۋقىمدى جۇمىس جوسپارلاندى. ونىڭ ىشىندە 7 100 ابو­نەنتتى وپتيكالىق جەلىگە اۋىستىرۋ, 31 شاقىرىم تالشىقتى-وپتيكالىق كا­بەل تارتۋ, 156 بازالىق ستانسانى جاڭ­عىر­تۋ بار. 5G تەحنولوگياسىمەن 133 با­زا­لىق ستانسا ىسكە قوسىلادى. سونداي-اق رەسپۋبليكالىق ماڭىزى بار اۆتوجول ساپالى بايلانىسپەن قامتىلادى. ­وسى ماقساتتا اتىراۋ وبلىسىندا 5 انتەن­نا-دىڭگەك قوندىرعىسىن ورناتىلادى. بۇل جۇمىستى جىلىوي, ماحامبەت جانە قىزىلقوعا اۋداندارى اتقارۋ ءۇشىن جوبالىق-سمەتالىق قۇجاتتامالار ازىر­لەنىپ, ساراپتامادان وتكىزىلدى.

اتىراۋ وبلىسى