AdiletGov ءموبيلدى قوسىمشاسى قازاقستان رەسپۋبليكاسىنىڭ ادىلەت مينيسترلىگى مەن جەكە سوت ورىنداۋشىلارىنىڭ رەسپۋبليكالىق پالاتاسى بىرلەسىپ ازىرلەگەن. جوبا ماقساتى – ورىنداۋشىلىق ءىس جۇرگىزۋدىڭ قولجەتىمدىلىگىن جانە اشىقتىعىن ارتتىرۋ.
قوسىمشا ارقىلى ازاماتتار ورىنداۋشىلىق ءىس جۇرگىزۋدىڭ بارىسى تۋرالى اقپارات الا الادى, سوت ورىنداۋشىلارى قابىلداعان شارالاردى كورە الادى, وتىنىشتەر, ارىزدار مەن شاعىمدار جىبەرە الادى, سونداي-اق ولاردىڭ قارالۋ مارتەبەسىن باقىلاي الادى.
پايدالانۋشىلار ناقتى ۋاقىت رەجيمىندە سوت ورىنداۋشىسىنىڭ قانداي ءىس جۇرگىزۋ ارەكەتتەرىن ورىنداعانىن كورە الادى. ەگەر بەلگىلى ءبىر ارەكەتتەر ورىندالماعان بولسا, ولاردىڭ قابىلدانۋى جونىندە ءوتىنىش جولداپ, بەس جۇمىس كۇنى ىشىندە جاۋاپ الا الادى.
سوت ورىنداۋشىسى بەلگىلەنگەن مەرزىمدە جاۋاپ بەرمەگەن نەمەسە ءتيىستى ارەكەتتەردى ورىنداماعان جاعدايدا, ءوتىنىش اۆتوماتتى تۇردە وڭىرلىك پالاتا مەن ادىلەت دەپارتامەنتىنە جولدانادى.
AdiletGov ءموبيلدى قوسىمشاسىن Google Play جانە App Store پلاتفورمالارىنان جۇكتەپ الۋعا بولادى.
