قيىندىقتارعا قاراماي ەكونوميكادا ىلگەرىلەۋ بار

كەشە ورتالىق كوممۋنيكاتسيا­لار قىزمەتىندە ۇلتتىق ەكونوميكا ءمينيسترى ەربولات دوساەۆ ءباسپاسوز ءماسليحاتىن وتكىزدى. ول وتكەن جىلعى الەۋمەتتىك-ەكو­نوميكالىق دامۋدىڭ قورى­تىن­دىلارىن تاپتىشتەپ, بيىلعى اتقا­رىلاتىن جۇمىستار تۋرالى اڭگىمەلەدى. ەلدىڭ ەكونوميكالىق الەۋەتى ءتۇرلى كورسەتكىشتەر ارقىلى ايقىندالادى. ءمينيستردىڭ سوزىنە قاراعاندا, قازىرگىدەي قيىن كەزەڭدە بىزدەگى الەۋمەتتىك-ەكونوميكالىق دامۋ ۇدەرىسى ءتاپ-ءتاۋىر. «بىلتىر قازاقستان ەكونوميكاسى الەمدىك نارىقتارداعى كۇردەلى وزگەرىستەرگە قاراماي دامۋ ۇدەرىسىن توقتاتپادى. ماسەلەن, وتكەن جىلى مۇناي مەن تەمىر كەنىنىڭ باعاسى ەكى ەسە تومەندەدى. سوعان قاراماستان, ەل ەكونوميكاسى 4,3 پايىزعا ءوسىپ, ءوندىرىس – 0,3, اۋىل شارۋاشىلىعى 1,8 پايىز ءوسىمدى قۇرادى. سونداي-اق, نەگىزگى كاپيتالعا قۇيىلار ينۆەستيتسيالار 3,9 پايىزعا ءوستى. جۇمىسسىزدىق بۇرىنعى بەس پايىز دەڭگەيىندە ساقتالىپ, ينفلياتسيا 7 پايىزدان ءسال-اق استى», دەدى ول. ونىڭ سوزىنە يلانساق, ەل ازامات­تارىنىڭ ورتاشا ايلىق ەڭبەكاقىسى 120 مىڭ 500 تەڭگەگە جەتىپ, 3,9 پايىزعا وسكەن كورىنەدى. ەلىمىزدىڭ حالىقارالىق رەزەرۆتەرى دە 7,3 پايىزعا مولايىپ, 102,5 ملرد. اقش دوللارى بولىپتى. جال­پى العاندا, ۇكىمەت وتكەن جىلى دەر كەزىندە قابىلداعان شارالار ەلدەگى ماك­رو­ەكونوميكالىق جانە قارجىلىق تۇراق­تىلىقتى ساقتاۋعا مۇمكىندىك بەرىپتى. بريفينگتە «نۇرلى جول» باع­دار­لاماسىنىڭ اياسىندا جوسپارلانعان بار­لىق جوبالاردى قارجىلاندىرۋدى باستاۋعا تاپسىرما بەرىلگەندىگى دە اي­تىلدى. «الداعى ناۋرىز ايىنىڭ 10-نا دەيىن ۇكىمەت «نۇرلى جول» مەم­لەكەتتىك باعدارلاماسىنا وزگەرتۋلەر ەنگىزىپ, مەملەكەت باسشىسىنا ۇسىنادى. وعان ەلباسىنىڭ داعدارىستىڭ الدىن الۋعا بايلانىستى شاراسى مەن پروب­لە­مالى كرەديتتەردى قارجىلاندىرۋ قورى, سونداي-اق ەكونوميكانى ىنتا­­لان­دى­رۋدىڭ 2-ترانشىنا ارنالعان 250 ملرد. تەڭگە قوسىلادى. بۇلارمەن بىرگە, ۇلتتىق حولدينگتەر, كومپانيالار مەن مەملەكەتتىك كəسىپورىنداردىڭ بيۋد­جەت­تىك شىعىندارىن وڭتايلاندىرۋ دا كوزدەلگەن. پارلامەنت مəجىلىسىنە «2015-2017 جىلدارعا ارنالعان رەسپۋبليكالىق بيۋدجەت تۋرالى زاڭىنىڭ» جوباسى ۇسىنىلادى. سەبەبى, ەكونوميكالىق ءوسۋ مەن سىرتقى ساۋدا كولەمىنىڭ قىس­قارۋىنا بايلانىستى ەل بيۋدجەتى» 10 پايىزعا وڭتايلاندىرىلدى. مۇندا, ءبىرىنشى كەزەكتە əلەۋمەتتىك كومەكتەردى تولىقتاي ورىنداۋعا, جۇمىسسىزدىق دەڭگەيىن وسىرمەۋگە جəنە ەكونوميكاداعى كəسىپكەرلىك بەلسەندىلىكتى قولداۋ قاراستىرىلىپ وتىر», دەدى ە.دوساەۆ. سونىمەن قاتار, ول وتاندىق كوم­پانيالاردىڭ ونىمدەرىنە دەگەن سۇرانىستى ارتتىرۋدى جəنە جاڭا جۇمىس ورىندارىن ۇيىمداستىرۋ ءۇشىن «نۇرلى جول» باعدارلاماسىنىڭ اياسىندا جوسپارلانعان بارلىق جوبالاردى قارجىلاندىرۋدى اقپان ايىنان باستاۋعا تاپسىرما بەرىلگەندىگىن جەتكىزدى. ءسويتىپ, اۋقىمدى جوبالاردىڭ جۇزەگە اسىرىلۋ بارىسى تۋرالى ءاڭ­گىمەلەدى. «ورتالىق-وڭتۇستىك, ورتا­لىق-شىعىس جانە ورتالىق-باتىس جوبالارى بويىنشا كولىكتىك-لوگيستيكالىق يفراقۇرىلىمداردى دامىتۋ ءۇشىن 1019 شاقىرىم جولدا جۇمىستار جالعاسىن تاۋىپ, جىل سوڭىنا دەيىن 272 شاقىرىمى پايدالانۋعا بەرىلەدى. مۇنىمەن بىرگە, يندۋستريالىق ينفراقۇرىلىمدى دامىتۋ باعىتىندا الداعى جىلى «قور­عاس – شىعىس قاقپاسى» اەا قۇرى­لى­سىنىڭ جۇمىسى تولىق اياقتالدى. ال, «ۇلتتىق يندۋستريالىق مۇناي-حيميا تەحنوپاركى» اەا ينفراقۇرى­لىمدارىنىڭ قۇرىلىسى بيىل باستالادى. ەنەرگەتيكالىق ينفراقۇرىلىمداردى دامىتۋ ءۇشىن جالپى ۇزىندىعى 600 شاقىرىمدى قۇرايتىن «ەكىباستۇز-سەمەي-وسكەمەن» 500 كۆت ەلەكتر تاراتۋ جەلىسىنىڭ 200 شاقىرىمدىق بولىگى سالىنا باستايدى», دەدى مينيستر. ەلىمىز بيىلعى جىلى دۇنيەجۇزىلىك ساۋدا ۇيىمىنا كىرۋدى كوزدەپ وتىرعانى ءمالىم. مينيستر جۋرناليستەرگە بۇل جاعىمدى جاڭالىقتى دا ايتىپ بەردى. «دسۇ-عا كىرۋ ۇدەرىستەرى بويىنشا كەلىسسوزدەر سوڭعى ساتىسىنا شىقتى. وتكەن جىلدىڭ نەگىزگى قورىتىندىسى قازاقستاننىڭ دسۇ-عا كىرۋدەگى باس­تى كەلىسسوزشىلەرىنىڭ ءبىرى – ەۋروپا وداعىمەن ەكىجاقتى كەلىسسوزدەردى ايتۋعا بولادى. ال, اقش-پەن كەلىسسوزدەر بويىنشا نەگىزگى ماسەلەلەردە ۋاعدالاستىققا قول جەتكىزىلگەن. قازىرگى ۋاقىتتا اقش ساۋدا وكىلدەرىمەن فيتوسانيتاريا تالاپتارىنا بايلانىستى كەلىسسوزدەر قارقىندى جۇرگىزىلۋدە. جوسپارىمىز بويىنشا, ءساۋىر-مامىر ايلارىندا كەلىسسوزدەردى تولىعىمەن اياقتايمىز», دەدى ە.دوساەۆ. نۇرباي ەلمۇراتوۆ, «ەگەمەن قازاقستان».