اۋىل شارۋاشىلىعىن دامىتۋعا وڭ سەرپىن

جۋىردا عانا وتكەن ۇكىمەتتىڭ كەڭەيتىلگەن وتىرىسىندا ەلباسى نۇرسۇلتان نازارباەۆ ەلىمىزدىڭ جەتەكشى ورگاندارىنىڭ وكىلدەرىنە بيۋدجەت قاراجاتىن مۇمكىندىگىنشە ۇنەمدەپ پايدالانۋ كەرەكتىگىن ايتا كەلە, قازىرگى تاڭدا بوي كورسەتىپ تۇرعان قيىندىقتاردى ەڭسەرۋ جولدارىن اتاپ كورسەتكەن بولاتىن. وسىنىڭ اياسىندا كۇنى كەشە پرەزيدەنت جانىنداعى ورتالىق كوممۋنيكاتسيالار قىزمەتىندە باس قوسقان ءماجىلىس دەپۋتاتتارى ءبىرشاما اقپاراتتارمەن ءبولىستى. الەمدىك دەڭگەيدەگى ەكونوميست ساراپشىلاردىڭ پىكىرىنە سۇيەنسەك, جاھاندىق داعدارىس ۇدەرىستەرى الداعى ۋاقىتتاردا كۇشەيىپ, سونىمەن قاتار, ەكونوميكالىق ءوسىم كورسەتكىشتەرى تومەندەۋ بولجامىن جوققا شىعارماۋدا. وسى رەتتە ەلباسى ۇكىمەتتىڭ كەڭەيتىلگەن وتىرىسىن وتكىزىپ, وسىنداي جاھاندىق داعدارىستىڭ زاردابىمەن كۇرەسۋ ەمەس, ونىڭ الدىن الۋ شارالارىن قولعا الۋ كەرەكتىگىن اتاپ ايتتى. وسى تۇستا ەلباسىنىڭ جاعدايدى الدىن الا بولجاپ وتىرعان كورەگەندىگىن اڭعارۋعا بولادى, – دەگەن پارلامەنت ءماجىلىسىنىڭ دەپۋتاتى, اگرارلىق ماسەلەلەر جونىندەگى كوميتەت مۇشەسى ۇلاسبەك سادىبەكوۆ, سونداي-اق, ول نۇرلى جول – اگرارلىق سالانىڭ دامۋىنا وڭ سەرپىن بەرەتىندىگىن قوسا ايتتى. بۇل تۇستا ەلباسىنىڭ «نۇرلى جول – بولاشاققا باستار جول» اتتى جولداۋىندا بولاشاقتا قازاق­ستاننىڭ اۋىل شارۋاشىلىعى سالاسىن قارقىندى دامىتۋدىڭ جاي-كۇيى جان-جاقتى باياندالعان. جولداۋدا وڭىرلەر اراسىنداعى جول قاتىناسىن جانداندىرۋ تۋرالى ناقتى ايتىلعانىمەن, ول بولاشاقتا ەلىمىزدەگى اگرارلىق سالانىڭ دا كەڭ قانات جايۋىنا وڭ سەپتىگىن تيگىزبەك, دەيدى ۇلاسبەك سادىبەكوۆ. مەملەكەت باسشىسى الەمدىك ەكونو­ميكاداعى جاڭا جاعدايلاردى ەسكەرە كەلگەندە, نەگىزگى باعىت اۋىل شارۋاشىلىعى ونىمدەرىن جانە ازىق-ت ۇلىك ونەركاسىبىن دامىتۋ بولىپ سانالاتىنىن اتاپ ايتقان بولاتىن. وسىعان بايلانىستى دە­­پۋتاتتىڭ ايتۋىنشا, بۇگىنگى تاڭدا قا­­زاق­ستاننىڭ اگرارلىق سالاسىندا تابي­عي تازا ازىق-ت ۇلىك تۇرلەرىن وندىرۋگە زور مۇمكىندىكتەر بار ەكەن. سونىمەن قا­­­تار, ول ءونىمدى وتكىزۋ نارىعى دا كە­ڭەي­ىپ وتىرعاندىعىن ناقتىلادى. ەل تۇر­عىندارىنىڭ 47 پايىزى اۋىلدى جەر­لەردە تۇراتىندىعىن ەسكەرسەك, ازىق-ءتۇ­لىك شارۋاشىلىعىنداعى ءونىم ءون­دىرۋ كولەمى از بولماسى بەلگىلى. ال ەندى ەۋرا­زيالىق ەكونوميكالىق وداق اياسىندا ءبىز­دىڭ ءونىمدى تۇتىنۋ نارىعىنىڭ كولەمى 170 ميلليون حالىققا جەتىپ وتىر, دەگەن دە­پۋ­تات اۋىل شارۋاشىلىعى سالاسىنىڭ دامىپ كەلە جاتقاندىعىنا نازار اۋداردى. سونىمەن قاتار, اۋىل شارۋاشىلىعىن دامىتۋ ماسەلەسىنە قاتىستى ورالىمدى وي ايتقان ءماجىلىس دەپۋتاتى, پالاتانىڭ اگرارلىق ماسەلەلەر كوميتەتىنىڭ ءتورا­عاسى رومين ءمادينوۆ  قازاقستاندا اعىم­داعى جىلى اۋىل شارۋاشىلىعى مينيسترلىگىن قارجىلاندىرۋ 20 ملرد. تەڭگەگە ۇلعايعاندىعىن حابارلادى. «پارلامەنت ماجىلىسىنە 2015 جىلعا ارنال­عان بيۋدجەتتى ناقتىلاۋدىڭ زاڭ جو­باسى كەلدى. بۇل تۇرعىدا مەن اۋىل شارۋا­شىلىعى مينيسترلىگىن قارجىلاندىرۋ 20 ملرد. تەڭگەگە وسكەندىگىن ايتا الامىن. ياعني, ۇكىمەت پەن پارلامەنت وسىنداي ەكونوميكالىق كۇردەلى جاعدايدا ءبىرىنشى كەزەكتە اۋىل شارۋاشىلىعىن قارجىلاندىرۋ كەرەكتىگىن تۇسىنەدى», دەدى دەپۋتات. ونىڭ ايتۋىنشا, تاريحي تاجىريبە كورسەتىپ وتىرعانداي, اۋىل شارۋاشىلىعى ەڭ اۋىر كەزەڭدەردىڭ وزىندە ەكونوميكانىڭ بەلگىلى سالاسى رەتىندە جاقسى ناتيجە بەرەدى. بۇل تۇستا, ول 2008 جىلى, ياعني ءبىرىنشى الەمدىك داعدارىس ورىن العان ۋاقىتتا قازاقستاننىڭ اۋىل شارۋاشىلىعى 2008-2009 جىلدارى فيزيكالىق كولەمدە جالپى ونىمدىلىك پەن قارجىلىق ءوسىمدى كورسەتكەندىگىن تىلگە تيەك ەتتى. ەلميرا ماتىباەۆا, «ەگەمەن قازاقستان».