سۋرەت: info.homsters.kz
بۇگىندە تۇرعىن ءۇيدى ءزىلزالادان ساقتاندىرۋ م ۇلىكتى ەرىكتى ساقتاندىرۋ شەڭبەرىندە جۇزەگە اسىرىلادى. وسى قىزمەت ءتۇرi بويىنشا 25 ساقتاندىرۋ ۇيىمىنىڭ 15 ليتسەنزياسى بار. بۇل رەتتە تۇرعىن ءۇيدى تابيعي اپاتتاردان ساقتاندىرۋمەن قامتۋ ەلىمىزدە نەبارى 3,2%-دى قۇرايدى. جەر سىلكىنىسى مەن سۋ تاسقىنى قاۋپى جوعارى الماتى قالاسىندا بۇل كورسەتكىش 7,7%-عا جەتەدى. جىل باسىندا ساقتاندىرۋ شارتتارىنىڭ سانى 310,6 مىڭنان استى, ونىڭ 70,6%-ى – جەكە تۇلعالارعا, 29,4%-ى زاڭدى تۇلعالارعا تيەسىلى.
قۇجاتقا سايكەس ەرىكتى م ۇلىكتىك ساقتاندىرۋ پوليستەرى قۇنى قىمبات, سوندىقتان كوپشىلىك ونى جەتكىلىكتى دەڭگەيدە راسىمدەي الماي وتىر.
ءبىرىنشى كەزەڭدە اپاتتاردان زارداپ شەككەن ازاماتتاردىڭ شىعىستارىن تولەنگەن ساقتاندىرۋ سىيلىقاقىسىنان 500 ەسە مولشەردە عانا جابۋعا بولادى. ياعني 1 مىڭ تەڭگە تولەگەندە تولەم 500 مىڭ تەڭگە بولادى. قاراجاتتىڭ جيناقتالۋىنا قاراي جوندەۋگە نەمەسە جاڭا تۇرعىن ءۇي ساتىپ الۋعا ارنالعان شىعىستار دا وتەلەدى. قارجى نارىعىن رەتتەۋ جانە دامىتۋ اگەنتتىگىنىڭ باسشىسى ءمادينا ابىلقاسىموۆانىڭ ايتۋىنشا, ساقتاندىرۋدىڭ مولشەرى جيىلىككە جانە بەلگىلى ءبىر ءوڭىردىڭ تاۋەكەلگە ۇشىراۋىنا بايلانىستى.
«سومالار جىلجىمايتىن م ۇلىك سالىعىنا مولشەرلەس بولۋعا ءتيىس – جىلىنا 1 مىڭنان 10 مىڭ تەڭگەگە دەيىن. بۇل رەتتە تۇرعىن ۇيلەردى مىندەتتى ساقتاندىرۋ جۇيەسى تۇرعىن ءۇيدى قالپىنا كەلتىرۋگە, بارلىق سالداردى جويۋعا, سونداي-اق اپاتتان زارداپ شەككەن ازاماتتاردىڭ بارلىق شىعىنىن تولتىرۋعا ارنالعان شىعىنداردى تولىق جابۋعا مۇمكىندىك بەرمەيدى. العاشقى ءۇش جىلدا مىندەتتى جارنالار مەملەكەتتىك قوردا جيناقتالادى. كەلەشەكتە قايتا ساقتاندىرۋعا جەكە ساقتاندىرۋ كومپانيالارى دا قوسىلۋى مۇمكىن», دەيدى.
رەسمي دەرەكتەرگە سۇيەنسەك, ەل اۋماعىنىڭ 75%-ى جەر سىلكىنىسىنەن باستاپ سۋ تاسقىنى مەن ورمان ورتتەرى تۋىنداۋى مۇمكىن قاۋىپتى ايماقتار بولىپ سانالادى. 2024 جىلى توتەنشە جاعداي سالدارىنان 460 ملرد تەڭگە شىعىن ەسەپتەلدى. بۇل 2023 جىلمەن سالىستىرعاندا 2,6 ەسە كوپ.
ساياساتتانۋشى دوسىم ساتپاەۆتىڭ پىكىرىنشە, باستاپقى كەزەڭدە بەلگىلى ءبىر ساناتتار ءۇشىن قالىپتى تاريفتەر ەنگىزىپ, سودان كەيىن ساقتاندىرۋ مولشەرلەمەلەرىن ارتتىرا وتىرىپ, تاجىريبەنى ەلىمىزدىڭ بارلىق اۋماعىنا تاراتۋ كەرەك.
«ورتالىقتان شالعاي ايماقتاردا كوپتەگەن تۇرعىن ءۇيدىڭ قىزىل سىزىقتىڭ ۇستىنە سالىنىپ كەتكەنى ەندى ايتىلىپ جاتىر. زاڭ بويىنشا ۇكىمەت مۇنداي ۇيلەرگە وتەماقى بەرۋگە مىندەتتى ەمەس. بىراق مەملەكەتتىڭ نارىقتىق ەمەس, الەۋمەتتىك مارتەبەسى توتەنشە جاعدايلاردا كومەككە مۇقتاج اعايىنعا جاردەمدەسۋدى مىندەتتەيدى. حالىقتىڭ تابىسى ەكونوميكالىق وسىمگە ىلەسە الماي جاتىر. الداعى ۋاقىتتا تۇرعىن ءۇي ءاۋديتى تەتىكتەرىن جەتىلدىرمەي, ءبىز بۇل ماسەلەنى شەشە المايمىز. سوندىقتان تۇرعىن ءۇيدى مىندەتتى ساقتاندىرۋدى كەزەڭ-كەزەڭىمەن جۇرگىزىپ, وسى ماسەلەنى شەشىپ الۋىمىز كەرەك»,– دەيدى ساراپشى.
الماتى
