سۋرەت: baq.kz
مەملەكەتتىك ساياساتتىڭ ساباقتاستىعى مەن جۇيەلىلىگىن قامتاماسىز ەتۋ ماقساتىندا قازاقستاننىڭ ىشكى ساياساتىنىڭ نەگىزگى قۇندىلىقتارى, قاعيداتتارى, ماقساتتارى, مىندەتتەرى مەن باعىتتارى ايقىندالعان. سونىمەن قاتار جالپىۇلتتىق ستراتەگيالىق مىندەتتەردى ءتۇسىنۋدى, بىرلىكتى نىعايتۋدى قامتاماسىز ەتەتىن جاڭا قۇندىلىقتار بەلگىلەندى.
ىشكى ساياساتتىڭ ەكونوميكالىق, الەۋمەتتىك, دەموگرافيالىق, اقپاراتتىق, مادەني جانە باسقا دا سالالارىنىڭ الۋان تۇرلىلىگىن ەسكەرە وتىرىپ, تۇجىرىمداما قازىرگى زامان جاعدايىندا بيلىك پەن قوعام اراسىنداعى تۇراقتى جانە ءتيىمدى ءوزارا ءىس-قيمىل جۇيەسىن قالىپتاستىرۋعا باعىتتالعان ساياسي جانە يدەولوگيالىق شارالار جۇيەسىن ۇسىنادى. ىشكى ساياساتتى ىسكە اسىرۋ ەلدىڭ ستراتەگيالىق باسىمدىقتارىنا سايكەس دايەكتى دامۋىن قامتاماسىز ەتەتىن ىشكى جاعدايلاردى كەشەندى تۇردە قالىپتاستىرۋ رەتىندە تۇسىندىرىلەدى.
تۇجىرىمداما مەملەكەت باسشىسى قاسىم-جومارت توقاەۆتىڭ جىل سايىنعى جولداۋلارىندا جانە سوزدەرىندە بەلگىلەنگەن ماقساتتار مەن مىندەتتەردى, سونداي-اق كونستيتۋتسيالىق قاعيداتتار مەن وتانداستارىمىزدىڭ مۇددەلەرىن ەسكەرە وتىرىپ ازىرلەندى. سوندىقتان تۇجىرىمداما – مەملەكەت پەن قوعامدى نىعايتۋعا جانە دايەكتى دامىتۋعا باعىتتالعان قۇقىقتىق, الەۋمەتتىك-ەكونوميكالىق, ساياسي, باسقارۋشىلىق شارالار جۇيەسىن قالىپتاستىرۋدىڭ نەگىزى.
الۋا جولدىبالينا,
پرەزيدەنت جانىنداعى قسزي ديرەكتورىنىڭ ورىنباسارى
