سۋرەت: turkystan.kz
اتالعان كەزدەسۋلەرگە ساراپشىلار, قوعام بەلسەندىلەرى جانە ىشكى ساياسات سالاسىنىڭ ماماندارى قاتىسىپ, پىكىرلەرى مەن ۇسىنىستارىن ورتاعا سالدى. سول كەزدەسۋلەردىڭ بىرىنە ءوزىم دە قاتىسىپ, ۇسىنىستارىمدى ءبىلدىردىم.
بۇل قۇجات – سالا ماماندارىنىڭ سۇزگىسىنەن ءوتىپ, كەڭىنەن تالقىلانعان, جان-جاقتى سارالانىپ ازىرلەنگەن قۇجات دەپ ايتۋعا بولادى. اسىرەسە قوعامدىق ءومىردىڭ بارلىق سالاسىن قامتيتىن, دامۋعا باعىتتايتىن مازمۇنى جيناقى دا ناقتى دۇنيە شىققانىنا ءشۇبام جوق.
قاراپ وتىرساق, مۇندا ىشكى ساياساتتىڭ نەگىزگى ماقساتى, قاعيداتتارى, نىشاندارى مەن قۇندىلىقتارى ايقىن كورسەتىلگەن. سونىمەن قاتار ىشكى ساياساتتىڭ باسىم باعىتتارى دا ناقتى بەلگىلەنىپ تۇر.
سوندىقتان, ەڭ الدىمەن, مەملەكەتتىك قىزمەتشىلەرگە, اسىرەسە ىشكى ساياساتقا جاۋاپتى ماماندارعا تاپتىرماس ءارى پايدالى قۇرالعا اينالماقشى. ونى ورتالىق جانە جەرگىلىكتى دەڭگەيدە نۇسقاۋلىق رەتىندە قولدانۋعا ابدەن بولادى.
ءوزىم دە كەزىندە مەملەكەتتىك قىزمەتتە, ىشكى ساياسات سالاسىندا جۇمىس ىستەگەنمىن. سول ۋاقىتتا ءدال وسىنداي مازمۇنداعى قۇجاتتىڭ جەتىسپەيتىنىن سەزىنەتىنبىز. ەندى, مىنە, ونداي ولقىلىقتىڭ ورنى تولىپ وتىر.
مەنىڭشە, بۇل – ىشكى ساياسات ماسەلەلەرىن جۇيەلەۋگە, قۇندىلىقتار مەن قاعيداتتار نەگىزىندە جۇمىستى جاڭا ساپالى دەڭگەيگە كوتەرۋگە جانە سالاعا تىڭ سەرپىن اكەلۋگە مۇمكىندىك بەرەتىن, ۋاقىتىلى ازىرلەنگەن وتە ماڭىزدى ءارى ساپالى قۇجات.
نۇربەك ماتجاني,
ساياسي ساراپشى
