سۋرەت: kaztag.kz
تۇجىرىمدامانى ازىرلەۋ يدەياسى العاش رەت بۋرابايدا وتكەن ۇلتتىق قۇرىلتاي وتىرىسىندا ايتىلدى. التى اي بويى ساراپشىلارمەن, ازاماتتىق قوعام جانە عىلىمي قاۋىمداستىق وكىلدەرىمەن اشىق تالقىلاۋلاردان كەيىن قۇجات مەملەكەتتىڭ بۇكىل ىشكى ساياساتىنا جۇيەلى نەگىز بولاتىن ماعىناعا يە بولدى.
نەگىزگى نازار دەكلاراتسيالارعا ەمەس, جاڭا ساياسي مادەنيەتتى قالىپتاستىراتىن قاعيداتتارعا اۋدارىلىپ وتىر. ءاربىر ىزگى يدەيا ادام مەن مەملەكەت دامۋىنا تىرەك بولاتىن, ەكى تاراپتىڭ دا جاۋاپكەرشىلىگىن ايقىنداۋعا باعىتتالعان. ەلدىڭ تۇراقتى دامۋى جولىندا مەملەكەتتىلىكتى جانە ۇلت بىرلىگىن نىعايتۋ ماقساتى ايقىن تۇجىرىمدالعان.
قۇجات ايقىنداعان التى نەگىزگى قاعيداتتىڭ ءاربىرى ماڭىزدى مانگە يە. «زاڭ مەن ءتارتىپ» قاۋىپسىزدىك پەن ينستيتۋتتارعا دەگەن سەنىمنىڭ كەپىلى بولسا, «حالىق ۇنىنە قۇلاق اساتىن مەملەكەت» – قوعامدى جوعارىدان باسقارۋ ەمەس, ونى ەستۋگە جانە تۇسىنۋگە باعىتتالعان قادام. ء«ارتۇرلى كوزقاراس – ءبىرتۇتاس ۇلت» – كوزقاراستاردىڭ الۋان تۇرلىلىگىنە قۇرمەت مادەنيەتى بولسا, «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» – بيلىك مونوپولياسىن بولدىرمايتىن ينستيتۋتسيونالدىق تەڭگەرىم. ال «ادال ازامات» – ەڭبەك ەتيكاسى, جاۋاپكەرشىلىك پەن پاتريوتيزمگە باعدار. «تازا قازاقستان» – قورشاعان ورتاعا, كەڭىستىككە جانە مادەنيەتكە ۇقىپتى كوزقاراس.
بۇل قاعيداتتار ىشكى ساياساتتى جاي عانا شەشىمدەر جيىنتىعىنان ءمان-ماعىنالار جۇيەسىنە اينالدىرادى. ولار مەملەكەت پەن ازامات اراسىنداعى ءوزارا ارەكەتتەسۋ لوگيكاسىن قالىپتاستىرادى, وندا سەنىم دامۋدىڭ باستى رەسۋرسىنا اينالادى.
قۇجات تەك مەملەكەتتىك ورگاندارعا ەمەس, بۇكىل قوعامعا ارنالعان. ول ورتاق ماقساتتى ۇسىنادى – ءادىل, اشىق جانە زاماناۋي قازاقستان. وندا قۇندىلىقتار, ينستيتۋتتار مەن ءىس-ارەكەتتەر ءوزارا ۇيلەسىم تاپقان. بۇل – مەملەكەتتىك ساياساتتىڭ تەك ۇدەرىستەردى باسقارۋ ەمەس, ۇلتتىڭ ورتاق ماقساتتارى مەن العا جىلجۋىن نىعايتۋدى كوزدەگەن نيەت.
نيكيتا شاتالوۆ,
ءماجىلىس دەپۋتاتى
