«كەلەشەك مەكتەپتەرى» جوباسى اياسىندا وبلىستا قۇرىلىسى قولعا الىنعان 29 مەكتەپتىڭ 13-ءى وتكەن وقۋ جىلىندا پايدالانۋعا بەرىلسە, بيىل 11 مەكتەپ اشىلدى. جىل سوڭىنا دەيىن تاعى 5 جاڭا مەكتەپ پايدالانۋعا بەرىلىپ, جوسپار تولىق ورىندالماق.
مەملەكەت باسشىسىنىڭ تاپسىرماسىمەن جۇزەگە اسقان ءبىلىم ورداسى زاماناۋي تالاپتارعا ساي جابدىقتالعان. مەكتەپتە سپورت زالى, مادەنيەت زالى, اسحانا, كوۆوركينگ الاڭدارى, كىتاپحانا, ءماجىلىس زالى, ارنايى ءپان كابينەتتەرى مەن شەبەرحانالار بار. سونداي-اق وقۋشىلاردىڭ سالاماتتى ءومىر سالتىن قالىپتاستىرۋىنا ارنالعان اشىق فۋتبول الاڭى دا قاراستىرىلعان.
№65 جالپى ءبىلىم بەرەتىن مەكتەبىنىڭ اشىلۋ سالتاناتىنا وبلىس اكىمى نۇرالحان كوشەروۆ قاتىسىپ, ۇستازدار مەن وقۋشىلاردى قۇتتىقتادى. جاڭا مەكتەپتى ارالاپ كورگەن اتا-انالار مەن وقۋشىلار ساپالى ءبىلىم الۋعا بارلىق جاعداي جاسالعانىن ايتىپ, عيماراتتىڭ كەڭدىگى مەن سانىنە ەرەكشە ريزاشىلىقتارىن ءبىلدىردى.
