فوتو: tr.pinterest.com
سپيكەردىڭ ايتۋىنشا, قازاقستان مەن چەح رەسپۋبليكاسى اراسىنداعى العاشقى ىنتىماقتاستىق جونىندەگى كەلىسىمدەر 2023 جىلى جاسالىپ, سول ورايدا قوستاناي وڭىرىندەگى «التىن دالا» مەملەكەتتىك تابيعي رەزەرۆاتىنىڭ بازاسىندا «اليبي» جابايى تۇياقتىلاردى قايتا بەيىمدەۋ ورتالىعى قۇرىلدى.
«2024-2025 جىلدارى قازاقستانعا ەكى توپپەن 14 پرجەۆالسكي جىلقىسى جەتكىزىلدى. ءبىرىنشى توپتاعى جىلقىلار بەيىمدەلۋ كەزەڭىنەن كەيىن بيىل شىلدە ايىندا تابيعي ورتاعا جىبەرىلدى. 7 باس جىلقى قازىرگى ۋاقىتتا ۆولەردە باقىلاۋدا تۇر», دەدى سپيكەر.
2029 جىلعا دەيىن ەلىمىزگە 40-قا جۋىق پرجەۆالسكي جىلقىسىن اكەلۋ جوسپارلانىپ وتىر. بۇل وزدىگىنەن كوبەيەتىن تۇراقتى پوپۋلياتسيا قۇرۋعا مۇمكىندىك بەرمەك.
پرجەۆالسكي جىلقىسىن ەلىمىزدىڭ تابيعاتىنا قايتارۋ جۇمىستارى پراگا حايۋاناتتار باعى, بيوالۋانتۇرلىلىكتى ساقتاۋ قاۋىمداستىعى, فرانكفۋرت زوولوگيالىق قوعامى, نيۋرنبەرگ جانە بەرلين حايۋاناتتار باقتارى, سونداي-اق ۆەنگريانىڭ «حورتوباد» ۇلتتىق پاركىمەن بىرلەسە جۇزەگە اسىرىلىپ جاتىر.
