ءاليا رۋحىنا ادالدىق

ۇلى جەڭىستىڭ 70 جىلدىعى قارساڭىندا وبلىستا كوپتەگەن مەرەكەلىك شارالار ۇيىمداستىرىلىپ, قايىرىمدىلىق اكتسيالارى قانات قاعۋدا. وسىنداي ادامي يماندىلىق ىسىنە اقتوبە وبلىسىنىڭ سۋديالار قاۋىمداستىعى دا اتسالى­سىپ, «ارداعىم – ارداگەرىم» اتتى اكتسيا­نى جۇزەگە اسىرۋدا. اكتسيانىڭ قاتىسۋ­شىلارى ارداگەرلەردىڭ ۇيىنە بارىپ, تۇر­مىستا كومەكتەرىن تيگىزىپ, كەرەكتى ازىق-ءتۇ­لىك, ءدارى-دارمەك, تۇرمىسقا قاجەتتى قۇرال­دارىن تابىستاپ, جىلى لەبىزدەرىن بىلدىرەدى. وبلىستىڭ سۋديالار قاۋىمداستىعى اتى­نان قازاقستان رەسپۋبليكاسى سۋديالار وداعى اقتوبە فيليالىنىڭ توراعاسى دامەش ءابدالى مەن وبلىستىق سوتتىڭ كەڭسە باس­شىسى اسەت مامبەتوۆ كەڭەس وداعىنىڭ باتى­رى ءاليا مولداعۇلوۆانىڭ ءسىڭلىسى ءالىپ ۇسەنوۆانىڭ ۇيىنە بارىپ, كەلە جاتقان مەرەكەمەن قۇتتىقتاپ, جولىنا 200 مىڭ تەڭگە ۇستاتتى. – مەنىڭ جاسىم قازىر 75-تە, قانشا ءومىرىم قالعانىن اللا بىلەدى. سوندىقتان, سوڭعى رەت اپامنىڭ باسىنا بارىپ, توپىراق سالسام, سودان كەيىن تىنىش ۇيىقتايتىن بولامىن. قازاقتىڭ باتىر قىزىنىڭ رۋحىنا ادالدىق تانىتىپ, مەنىڭ جاعدايىمدى تۇسىنگەندەرىڭە مىڭ دا ءبىر راحمەت, وركەندەرىڭ ءوسسىن, – دەدى ءالىپ اپا ريزاشىلىعىن ءبىلدىرىپ. «ارداعىم – ارداگەرىم» قايىرىمدىلىق اكتسياسىنىڭ جۇمىسى ءبىر ايعا سوزىلادى. اكتسيا اياسىندا ۇلى وتان سوعىسىنىڭ قاتىسۋشىلارى مەن سۋديالارىنا ارناپ وبلىستىق سوت عيماراتىنىڭ الدىندا مەموريالدىق تاقتا اشۋ كوزدەلۋدە. ساتىبالدى ءساۋىرباي, «ەگەمەن قازاقستان».  اقتوبە وبلىسى.