فوتو: xras.com
عالىمداردىڭ ايتۋىنشا, العاشقى جارقىلدىڭ قۋاتى جوعارى بولعانىمەن (X1.9 دەڭگەيى), ونىڭ نەگىزگى بولىگى جەرگە تۋرا باعىتتالماعان. پلازما اعىنى شامامەن 55 گرادۋس بۇرىشپەن كەتىپ, پلانەتامىزعا تىكەلەي اسەر ەتپەيدى. سوندىقتان گەوماگنيتتىك داۋىل – ياعني جەردىڭ ماگنيت ءورىسىنىڭ بۇزىلۋى – 3 بالدان جوعارى كوتەرىلمەيدى دەپ كۇتىلەدى.
ەكىنشى جارقىل ودان بەس ساعاتتان كەيىن تىركەلگەن. ول كۇننىڭ ارعى بەتىندە بولعاندىقتان, جەرگە مۇلدە اسەر ەتپەيدى.
ماماندار مۇنداي جاعدايدىڭ سيرەك بولاتىنىن اتاپ ءوتتى. ادەتتە كۇندە X دەڭگەيىندەگى جارقىلدار ايىنا ءبىر رەت قانا بايقالادى. ال بۇل جولى ەكى جارقىلدىڭ اراسى بار-جوعى بەس ساعات بولعان. سول سەبەپتى عالىمدار مۇنى بيىلعى ەڭ ەرەكشە ءارى كۇن بەلسەندىلىگىنىڭ ارتا باستاعانىنىڭ بەلگىسى دەپ باعالاپ وتىر.
