كونتسەرت باستالماس بۇرىن جاپونيانىڭ حالىقارالىق مادەني الماسۋ كوميتەتىنىڭ وكىلدەرى فيلارمونيا فويەسىندە كوپشىلىككە ۇلتتىق مادەنيەتىنىڭ بولشەگى سانالاتىن شاي سالتاناتىن كورسەتتى. سونىمەن قاتار ۇلتتىق ويىندارى «سيوگي» ياعني جاپون شاحماتىنان شەبەرلىك سىنىبىن وتكىزدى. جاپونداردىڭ ءۇش ىشەكتى سياميسەن اسپابىندا ويناعان انسامبل دە ونەر كورسەتتى.
مادەنيەت جانە اقپارات مينيسترلىگى مەن ەلىمىزدەگى جاپونيا ەلشىلىگىنىڭ قولداۋىمەن ۇيىمداستىرىلعان بۇل كونتسەرتتە ت.ابدىراشەۆ اتىنداعى مەملەكەتتىك اكادەميالىق سيمفونيالىق وركەسترى ونەر كورسەتتى. وركەسترگە حالىقارالىق جانە رەسپۋبليكالىق بايقاۋلاردىڭ لاۋرەاتى – قۋانىش يسمايلوۆ ديريجەرلىك ەتتى.
كەشتە جاپونيادان كەلگەن كوداي مينودا (سياميسەن), مايۋكو كاتسۋمۋر (سكريپكا), كادزۋحيرو ميامۋرا (گوبوي), ميتسۋكۋني تسۋدزيموتو (ترۋبا) جانە تاسايتيرا موتيدزۋكي (تسۋدزۋمي) سىندى ونەرپاز فيلارمونيا ساحناسىندا جاپوندىق مۋزىكانىڭ ەرەكشەلىگىن پاش ەتتى.
كونتسەرت بارىسىندا ع.جۇبانوۆانىڭ سكريپكا مەن وركەسترگە ارنالعان كونتسەرتىنىڭ ءى ءبولىمى, س.يۋداكوۆتىڭ «پوەماسى», Wada-نىڭ «Fusuikyo» تۋىندىسى, ا.ارۋتيۋنياننىڭ ترۋبا مەن وركەسترگە ارنالعان كونتسەرتى سياقتى بەلگىلى شىعارمالارى ورىندالدى. سونىمەن قاتار ح.وگۋريدىڭ گوبوي مەن وركەسترگە ارنالعان «باللاداسى», ح.حوشينانىڭ گوبوي, تسۋدزۋمي, وركەسترگە ارنالعان «جارىق ساۋلە استىنداعى دۇعا مەن ويىندار» شىعارماسى ەرەكشە ىقىلاسقا بولەندى.
