وبلىستىق اۋىل شارۋاشىلىعى باسقارماسىنىڭ باس مامانى ءمولدىر يرباتىروۆانىڭ دەرەگىنە قاراعاندا, قان سىناماسىن زەرتتەۋ قورىتىدىسىمەن 518 مالدان برۋتسەللەز اۋرۋى انىقتالىپ وتىر.
«ونىڭ ىشىندە 240 ءىرى قارا, 275 ۇساق مال, 3 تۇيە بار. بىراق ءتورت ت ۇلىكتىڭ برۋتسەللەزگە شالدىعۋ دەرەگى بىلتىرعى كورسەتكىشتەن ازايدى. اۋرۋ مال زاڭ تالاپتارىنا سايكەس قايتا وڭدەۋگە وتكىزىلدى. بۇل جۇمىستىڭ ناتيجەسىندە مال يەلەرىنە جەرگىلىكتى بيۋدجەت ەسەبىنەن 15 ملن تەڭگە كولەمىندە وتەماقى تولەنەدى. قولدانىستاعى ەرەجەگە سايكەس وڭدەۋگە وتكىزىلگەن ەت ونىمدەرى قۇنىنىڭ 30 پايىزى جەرگىلىكتى بيۋدجەتتەن, ال 70 پايىزى قايتا وڭدەۋ كاسىپورىندارىنىڭ قارجىسى ەسەبىنەن تولەنەدى», - دەيدى ءمولدىر يرباتىروۆا.
ونىڭ ايتۋىنشا, تۇرعىندار يەلىگىندەگى مالدى دەر كەزىندە ۆەتەريناريالىق تەكسەرۋدەن وتكىزۋى قاجەت. بۇل ءتورت ت ۇلىكتىڭ ينفەكتسيالىق اۋرۋلارعا شالدىعۋىنىڭ الدىن الۋعا ىقپال ەتەدى.
