فوتو: اشىق دەرەككوز
رەسمي ءىس-شاراعا دۇنيەجۇزىلىك توعىزقۇمالاق فەدەراتسياسىنىڭ ۆيتسە-پرەزيدەنتى ماقسات رامانقۇلوۆ, قازاقستان فەدەراتسياسىنىڭ پرەزيدەنتى اكىم تۇرسۇن, اتقارۋشى ديرەكتور سەرىك اقتاەۆ, سونداي-اق قازاقستاننىڭ پاكىستانداعى توتەنشە جانە وكىلەتتى ەلشىسى ەرجان قىستافين قاتىستى.
جينالىس بارىسىندا پاكىستان توعىزقۇمالاق فەدەراتسياسىنىڭ العاشقى پرەزيدەنتى بولىپ ەلدىڭ ىشكى ىستەر ۆيتسە-ءمينيسترى داۆۋد بارەاش سايلاندى.
جاڭا ۇيىمنىڭ قۇرىلۋىنا قازاقستان ەلشىلىگىنىڭ قولداۋى ايرىقشا ىقپال ەتتى. ەلشىلىك باستاماسىمەن يسلامابادتا سالىنىپ جاتقان «دوستىق» سپورت كەشەنىندە قازاقتىڭ ءداستۇرلى سپورت تۇرلەرى – قازاق كۇرەسى مەن توعىزقۇمالاق تۇراقتى تۇردە دامىتىلادى. الداعى ۋاقىتتا پاكىستاننىڭ باسقا دا ءىرى قالالارىندا وسىنداي سپورت ورتالىقتارىن اشۋ جوسپارلانىپ وتىر.
