جۇمىستار پرەزيدەنت قاسىم-جومارت توقاەۆتىڭ سۋ تاسقىنىنا قارسى قۇرىلىستاردى نىعايتۋ جونىندەگى تاپسىرمالارىنا سايكەس جۇرگىزىلىپ جاتىر.
رەكونسترۋكتسيالاۋ جۇمىسىنىڭ ماقساتى – قۇرىلىستىڭ بەرىكتىگىن نىعايتۋ, ەلدى مەكەننىڭ تولىققاندى قورعالۋىن قامتاماسىز ەتۋ. بوگەتتى تولىق رەكونسترۋكتسيالاۋ جوباسىنا اۆتوجولداردى قالپىنا كەلتىرۋ, تەمىربەتون پليتالارىن توسەۋ, درەناج جۇيەسى مەن اباتتاندىرۋ كىرەدى. جوبانى جۇزەگە اسىرۋ مىڭعا جۋىق حالقى بار «تەپليچنوە» اۋىلىن سۋ تاسقىنىنان قورعاۋدى قامتاماسىز ەتەدى.
ۇكىمەت ەلدى مەكەندەردى سۋ تاسقىنىنان قورعاۋ جۇمىستارىن جۇرگىزىپ وتىر. سۋ رەسۋرستارى جانە يرريگاتسيا مينيسترلىگىنىڭ دەرەكتەرىنە سۇيەنسەك, التى وڭىردە – اقمولا, اقتوبە, باتىس قازاقستان, قوستاناي, پاۆلودار جانە سولتۇستىك قازاقستان وبلىستارىندا گيدروتەحنيكالىق قۇرىلىستاردى قالپىنا كەلتىرۋ مەن سالۋ بويىنشا 57 جوبا, ونىڭ ىشىندە 13 جاڭا نىسان قۇرىلىسى جۇزەگە اسىرىلىپ جاتىر. بۇگىندە 57 نىساننىڭ 40-ى اياقتالدى, 221 شاقىرىم قورعانىس بوگەتتەرى سالىنىپ, نىعايتىلدى, بۇل جۇمىستىڭ 91%-ىن قۇرايدى.
جالپى, «تەپليچنوە» اۋىلىنداعى قورعانىس بوگەتى 1980 جىلى پايدالانۋعا بەرىلگەن. باستاپقىدا بوگەتتىڭ ۇزىندىعى – 380 مەتر, ورتاشا ەنى – 11 مەتر, ورتاشا بيىكتىگى 4 مەتر بولعان. 2024 جىلعى سۋ تاسقىنى كەزىندە سقو قىزىلجار اۋدانىنىڭ اۋماعىندا جەرگىلىكتى تابيعي سيپاتتاعى توتەنشە جاعداي جاريالاندى. ەسىل وزەنىنىڭ تاسۋى سالدارىنان «تەپليچنوە» اۋىلىنداعى قورعانىس بوگەتى اپاتتى جاعدايعا تاپ بولدى. 2024 جىلعى سۋ تاسقىنىنان كەيىنگى قالپىنا كەلتىرۋ جۇمىستارى كەزىندە بوگەتتىڭ ۇزىندىعى ۇلعايتىلدى.
