جيىندا ءسوز العان وبلىس اكىمى نۇرىمبەت ساقتاعانوۆ اسسامبلەيا اتقارىپ جاتقان جۇمىستاردىڭ ماڭىزىنا توقتالىپ ءوتىپ, وسكەمەندە دوستىق ءۇيىنىڭ جاڭا عيماراتى بوي كوتەرەتىنىن ايتتى.
– ءبىزدىڭ ورتاق مىندەتىمىز – ءار ۇلتتىڭ داستۇرلەرىن ساقتاپ قانا قويماي, ولاردى جاڭا مازمۇنمەن بايىتىپ, كەلەر ۇرپاققا اماناتتاۋ. دوستىق ۇيلەرى – بىرلىكتى نىعايتۋدىڭ, قوعامدىق كەلىسىم مەن ەتنوسارالىق ديالوگتى دامىتۋدىڭ نەگىزگى تىرەگى. وسكەمەن قالاسىندا 33 جىل بۇرىن قازاقستانداعى تۇڭعىش دوستىق ءۇيى اشىلعان ەدى. بۇگىندە مۇنداي ورتالىقتار ەلىمىزدىڭ تۇكپىر-تۇكپىرىندە جۇمىس ىستەپ تۇر. ەندىگى ماقساتىمىز وسى مول تاجىريبەنى نىعايتا ءتۇسۋ, – دەدى ن.ساقتاعانوۆ.
قازاقستان حالقى اسسامبلەياسى توراعاسىنىڭ ورىنباسارى مارات ءازىلحانوۆ شىعىس قازاقستانداعى 8 دوستىق ءۇيىنىڭ قوعامدى بىرىكتىرۋ ميسسياسىن جەمىستى جۇزەگە اسىرىپ وتىرعانىن ەرەكشە اتاپ ءوتتى. سونىمەن قاتار ارقايسىمىزدىڭ تاريحي وتانىمىز قازاقستان ەكەنىن ەسكە سالدى. جۇمىس بولمەلەرىنە وزگە مەملەكەتتىڭ تۋى مەن قازاقستان تۋىن قاتار قويۋدىڭ قاجەتى جوق ەكەنىن ەسكەرتتى. كونگرەسستە ەتنوسارالىق كەلىسىمدى نىعايتۋ تەتىكتەرى تالقىلانىپ, دوستىق ۇيلەرىنىڭ ۇزدىك تاجىريبەلەرى دە ورتاعا سالىندى.
– اسسامبلەيانىڭ 30 جىلدىعىنا وراي دوستىق ۇيلەرىنىڭ رەسپۋبليكالىق ءى كونگرەسى قۇتتى بولسىن! قازاقستان حالقىنىڭ دوستىق ءۇيى ەڭ العاش وسكەمەندە قۇرىلسا, العاشقى كونگرەسس تە وسىندا ءوتىپ جاتىر. وسى ۋاقىت ىشىندە ءبىر شاڭىراق استىندا ءومىر ءسۇرىپ جاتقان ەلدىڭ بىرلىگى نىعايىپ, بەرەكەسى ارتتى. وسى ۋاقىتقا دەيىن اتقارىلعان جۇمىستار جالعاسىن تابادى. ايتارىم, ەلىمىزدە ءبىر پرەزيدەنت, ءبىر تۋ, ءبىر عانا مەملەكەتتىك ءتىل بارىن ۇمىتپايىق, – دەدى قحا توراعاسىنىڭ ورىنباسارى مارات ءازىلحانوۆ.
ەكى كۇنگە جالعاسقان كونگرەسس ريددەر قالاسىندا قورىتىندىلانادى. وندا «اسسامبلەيا جاستارى» جاستار مەكتەبى اشىق ديالوگ, ەركىن پىكىر الماسۋ فورماتىندا ءوتىپ, ەتنوسارالىق كەلىسىمگە قاتىستى الداعى جۇمىستىڭ بۇگە-شىگەسى تالقىعا سالىندى.
– دوستىق ۇيلەرىنىڭ باسشىلارىنىڭ باس قوسىپ جاتقانىنا قۋانىپ جاتىرمىز. وسى ۋاقىت ىشىندە مادەني قىزمەتكەرلەرمەن, ەتنوبىرلەستىكتەرمەن, جاستارمەن كوپ جۇمىس اتقارىپ كەلەمىز. بۇگىن تاجىريبە الماسىپ, باسقالاردىڭ جوباسىمەن ەتەنە تانىسىپ جاتىرمىز, – دەدى پاۆلودار وڭىرىنەن كەلگەن دوستىق ءۇيىنىڭ باسشىسى ءنۇريا كوبەنوۆا.
ايتىلعانداي, ەلىمىزدىڭ ءار ايماعىنان كەلگەن دوستىق ءۇيىنىڭ باسشىلارى ءبىر-بىرىمەن تاجىريبە الماسىپ, ارقا-جارقا بولىستى. تاۋەلسىزدىگىمىزدىڭ مىزعىماس دىڭگەگى بولىپ تۇرعان دا وسى مادەني قىزمەتكەرلەر دەسەك, ارتىق ايتپاعانىمىز شىعار.
شىعىس قازاقستان وبلىسى
