اتالعان جارىستىڭ نەگىزگى بولىگىندە «قايرات» كوسوۆونىڭ «پريشتيناسىمەن» كۇش سىناستى. بۇل باسەكە 4:1 ەسەبىمەن جەرلەستەرىمىزدىڭ پايداسىنا شەشىلدى. الماتىلىقتاردىڭ ساپىنان ءبىرجان ورازوۆ دۋبل اۆتورى اتانسا, كەۆين اررەتا مەن اتيرسون ءبىر-ءبىر گولدان سوقتى. وسىعان دەيىن جەرلەستەرىمىز حورۆاتيانىڭ «نوۆو ۆريەمەسىن» (3:2) ۇتىپ, پورتۋگاليانىڭ «سپورتينگىنە» (2:7) ەسە جىبەردى. ناتيجەسىندە التى ۇپايدى ەنشىلەگەن «قايرات» ءوز توبىندا ەكىنشى ورىن الدى.
«سەمەي» چەحيانىڭ ء«حرۋديمىن» (9:5) جەڭگەنىمەن, فرانتسيانىڭ «ەتۋالى» (3:4) مەن يسپانيانىڭ «پالماسىنا» (4:7) جول بەردى. توپتىق تۋرنيردە ءۇش ۇپايدى قاناعات تۇتقان جەرلەستەرىمىز ءۇشىنشى ورىندى يەلەندى. دەسەك تە, وسى ناتيجەنىڭ ءوزى سەمەيلىكتەرگە پلەي-وففقا شىعۋ ءۇشىن جەتكىلىكتى بولدى.
