ءبىرىنشى سەتتە شۆيونتەك 3:0 ەسەبىمەن العا شىققانىمەن, رىباكينا ەسەپتى تەڭەستىرۋگە تىرىستى, الايدا العاشقى پارتيا پولياك سپورتشىسىنىڭ پايداسىنا 6:3 ەسەبىمەن اياقتالدى.
ەكىنشى سەتتە ەلەنا ءوز ويىنىن تۇبەگەيلى وزگەرتىپ, قارسىلاسىن سەنىمدى باسىمدىقپەن ۇتتى — 6:1.
ءۇشىنشى سەتتە رىباكينانىڭ باسىمدىعى ءتىپتى ايقىن بولدى — 6:0, وسىلايشا ماتچتى جەڭىسپەن اياقتادى.
ويىن 1 ساعات 39 مينۋتقا سوزىلدى.
قازاقستاندىق سپورتشى ءتورت ەيس ورىندادى (شۆيونتەكتە – ەكى), ءۇش قوس قاتەلىك جىبەردى (قارسىلاسىندا – ەكى) جانە جەتى برەيك-پوينتتىڭ بەسەۋىن ءتيىمدى پايدالاندى (شۆيونتەك ءۇش مۇمكىندىكتىڭ بىرەۋىن عانا ىسكە اسىردى).
ەلەنا رىباكينا ءبىرىنشى كەزدەسۋدە امەريكالىق اماندا انيسيموۆانى (№4) 6:3, 6:1 ەسەبىمەن سەنىمدى جەڭگەن بولاتىن. ال شۆيونتەك ءوز كەزەگىندە امەريكالىق مەديسون كيزدى (№7) 6:1, 6:2 ەسەبىمەن ۇتقان ەدى.
رىباكينا سەرەنا ۋيليامس توبىندا ونەر كورسەتىپ جاتىر. كەلەسى كەزدەسۋ 4 قاراشادا وتەدى — قازاقستاندىق تەننيسشى قايتادان مەديسون كيزبەن كەزدەسەدى.
پاراللەل توپ – شتەففي گراف توبى – قۇرامىندا ارينا سوبولەنكو (№1), كوري گاۋفف (№3), دجەسسيكا پەگۋلا (№5) جانە جاسمين پاوليني (№8) بار.
WTA فينالدىق ءتۋرنيرى – ايەلدەر تەننيسىندەگى ماۋسىمنىڭ ەڭ بەدەلدى جارىستارىنىڭ ءبىرى. 2025 جىلى ول جەكەلەي سىندا 54-ءشى, جۇپتىق سايىستا 49-شى رەت وتكىزىلىپ وتىر جانە ءداستۇرلى تۇردە تەننيس ماۋسىمىن قورىتىندىلايدى.
