فوتو: اشىق دەرەككوزدەن
ءىس-شارا بارىسىندا كەلۋشىلەردى تارتۋ ماقساتىندا تەگىن روللدار مەن تورتتار تاراتىلعان. اكتسيا جەكسەنبىلىك جارمەڭكەنىڭ ءوتۋ ۋاقىتىمەن تۇسپا-تۇس كەلىپ, بۇل ءوز كەزەگىندە ازاماتتاردىڭ كوپتەپ جينالۋىنا سەبەپ بولعان.
تۇرعىندارعا شاقىرۋلار ءدامحانا كليەنتتەرىنە SMS-حابارلاما ارقىلى جىبەرىلگەن. تەكسەرۋ ناتيجەسىندە ءىس-شارانىڭ الاتاۋ قالاسى اكىمدىگىمەن كەلىسىلمەگەنى انىقتالدى. سونىمەن قاتار ءدامحانا اكىمشىلىگى كوپشىلىك جينالعان ورىنداردا قوعامدىق ءتارتىپ پەن قاۋىپسىزدىكتى قامتاماسىز ەتۋ بويىنشا ءتيىستى شارالاردى اتقارماعان.
«مەكەمە يەسىنە قاتىستى اكىمشىلىك ءىس قوزعالدى. اكىمشىلىك قۇقىق بۇزۋشىلىق تۋرالى كودەكستىڭ 443-بابىنىڭ 1-بولىگىنە سايكەس, قوعامدىق ءتارتىپتى قامتاماسىز ەتۋ تالاپتارىن بۇزعانى ءۇشىن كاسىپكەر اكىمشىلىك جاۋاپكەرشىلىككە تارتىلىپ, ايىپپۇل سالىندى», دەپ حابارلادى الماتى وبلىسىنىڭ پوليتسيا دەپارتامەنتى.
