حالىقارالىق تاعىلىمداماعا قۇجات قابىلداۋ مەرزىمى ۇزارتىلدى

عىلىمي تاعىلىمداما – بۇل شەتەلدە وقۋ مۇمكىندىگىنەن الدەقايدا كەڭ ۇعىم. ول الەمدىك عىلىمي قاۋىمداستىقتىڭ ءبىر بولىگىنە اينالىپ, جاڭا ادىستەمەلەر مەن يننوۆاتسيالىق تەحنولوگيالاردى مەڭگەرۋگە, زەرتتەۋ جۇمىسىن حالىقارالىق دەڭگەيگە كوتەرۋگە جانە كاسىبي وسۋگە جاڭا جول اشۋعا مۇمكىندىك بەرەدى.

باعدارلاماعا قاتىسۋ ءۇشىن ۇمىتكەرلەرگە قويىلاتىن تالاپتار:

• قازاقستان ازاماتى بولۋ;

• عىلىم دوكتورى, كانديدات نەمەسە PhD / پروفيل دوكتورى / ماگيستر دارەجەسىنىڭ بولۋى;

• سوڭعى 12 ايدا عىلىمي ماماندانۋى بويىنشا ۇزدىكسىز جۇمىس تاجىريبەسىنىڭ بولۋى;

• قابىلداۋشى ۇيىمنان شارتسىز شاقىرۋ حاتىنىڭ بولۋى;

• مەملەكەتتىك ءتىلدى (قازتەست نەمەسە Qazaq RESMI TEST) ۆ1 دەڭگەيىنەن تومەن ەمەس مەڭگەرگەنىن راستايتىن سەرتيفيكات;

• شەت ءتىلىن (مىسالى, اعىلشىن ءتىلى – IELTS 5.0, Duolingo 80, TOEFL iBT 35) ءبىلۋدى راستايتىن سەرتيفيكات;

• عىلىمي جاريالانىمداردىڭ بولۋى.

قۇجاتتار ونلاين فورماتتا نەمەسە قاعاز تۇرىندە قابىلدانادى.

ءوتىنىم بەرۋ سىلتەمەسى: https://egov.kz/cms/ru/services/higher_education/pass474_mon

قوسىمشا اقپارات پەن كەڭەستى  «حالىقارالىق باعدارلامالار ورتالىعى» اق رەسمي سايتىنان الۋعا بولادى: https://bolashak.gov.kz/ru/pretendentu-po-ns