جىلىتۋ ماۋسىمىنا تىڭعىلىقتى دايىندالۋ قاجەت

كەشە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ الداعى جىلىتۋ ماۋسىمىنا دايىندىق ماسەلەلەرى بويىنشا سەلەكتورلىق كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. نىسانداردى 2015-2016 جىل­دارداعى جىلىتۋ ماۋسىمىنا دايىنداۋ كوممۋنالدىق قىزمەت­تەرمەن كەلىسىلگەن كەستەگە سايكەس جۇزەگە اسىرىلۋدا. 2015 جىلعا 9 ەنەرگيا بلوگىنا, 59 ەنەر­گەتيكالىق قازاندىققا جانە 47 تۋربيناعا كۇردەلى جوندەۋ جۇرگىزۋ جوسپارلانعان. تامىزدىڭ باسىنا قاتىستى 4 ەنەرگوبلوكتاعى, 30 قازاندىقتاعى جانە 20 تۋربيناداعى جوندەۋ جۇمىستارى اياقتالدى. جىلۋمەن جابدىقتاۋ جەلىلەرىنىڭ جىلىتۋ ماۋسىمىنا دايىندىعى 60 پايىزدى, ءبىلىم بەرۋ نىساندارىندا – 79, دەنساۋلىق ساقتاۋ مەكەمەلەرىندە – 75, تۇرعىن ۇيلەردە 63 پايىزدى قۇرايدى. قۋاتى ساعاتىنا 100 گكال.-عا دەيىنگى جىلۋ كوزدەرىنە قاجەتتى وتىن الداعى جىلۋ ماۋسىمىنا 1 883 مىڭ توننا كومىر مەن 230 مىڭ توننا مازۋتتى قۇرايدى. سونىمەن بىرگە, قازىردىڭ وزىندە 591 مىڭ توننا كومىر جانە 54 مىڭ توننا مازۋت دايىندالعان. كەڭەس قورىتىندىسى بويىنشا, باقىتجان ساعىنتاەۆ ەنەر­گەتيكا مينيسترلىگىنە ەلەكتر ستانسالارىنىڭ الداعى جىلۋ بەرۋ كەزەڭىنە دايىندىعى, وتىن­نىڭ نورماتيۆتىك قورىن جيناق­تاۋ بارىسىنا تۇراقتى مونيتورينگ ۇيىمداستىرۋدى تاپسىردى. وبلىستاردىڭ, استانا جانە الماتى قالالارىنىڭ اكىم­دىكتەرىنە اكىمدەردىڭ جاۋاپتى ورىنباسارلارىن بەكىتە وتىرىپ, بۇكىل جوندەۋ ناۋقاندارى مەن جوسپارلانعان ءىس-شارالاردىڭ تولىق ورىندالۋىن, كوممۋنالدىق سەكتور مەن الەۋمەتتىك سالانىڭ بارلىق نىساندارىن جىلىتۋ ماۋ­سىمىنا ۋاقتىلى دايىنداۋ­دى قامتاماسىز ەتۋ, سونداي-اق, دەبيتورلىق بورىشتى تومەندەتۋ جانە كوممۋنالدىق قىزمەت ءۇشىن اعىمداعى بورىشتاردىڭ وسۋىنە جول بەرمەۋ جونىندە تاپسىرما بەرىلدى.