تۋرنير قازاقستان, قىرعىزستان, وزبەكستان, ازەربايجان جانە تۇركيادان كەلگەن پاراسپورتشىلاردى بىرىكتىرىپ, تۇركى الەمى ەلدەرى اراسىنداعى دوستىقتى, ينكليۋزيانى جانە مادەني بايلانىستى نىعايتۋ الاڭىنا اينالدى.
«اقتاۋ – تۇركى الەمىنىڭ مادەني استاناسى 2025» باعدارلاماسى اياسىندا 25-31 قازان ارالىعىندا جالاۋىن جەلبىرەتكەن سپورت دوداسىنىڭ سەرىكتەسى «كسەلل» اق (activ برەندىمەن) ۇلتتىق ۇيالى بايلانىس وپەراتورى بولدى.
ء«بىز ءۇشىن جەرگىلىكتى activ برەندىنىڭ تۋرنير سەرىكتەسى بولۋى ەرەكشە ماڭىزدى. ۇلتتىق برەندتىڭ قولداۋى بۇل وقيعاعا ايىرىقشا ءمان بەرەدى. activ بايلانىس وپەراتورى سياقتى, مۇنداي باستامالار فيزيكالىق مۇمكىندىكتەرگە قاراماستان بارلىعىمىزدى بىرىكتىردى», دەيدى ماڭعىستاۋ وبلىسى بوچچا فەدەراتسياسىنىڭ اتقارۋشى ديرەكتورى قارلىعاش المۇحامبەتوۆا.
سەرىكتەستىك اياسىندا كومپانيا ءىس-شارانى ۇيىمداستىرۋعا قولداۋ كورسەتىپ, قاتىسۋشىلارعا فيرمالىق كادەسىيلار مەن سىيلىقتار ۇسىندى.
ء«بىز ادامنىڭ مۇمكىندىگىن باسقا قىرىنان اشاتىن, وسىلايشا كوپشىلىكتى شابىتتاندىراتىن وقيعانى قولداعانىمىزدى ماقتان تۇتامىز. activ برەندى – ادامدار, مادەنيەت جانە تۇراقتى العا ۇمتىلۋدى بىلدىرەدى. وسىنداي باستامالار ارقىلى بىرىگۋدى جانە كەمەلدەنۋگە ۇمتىلاتىن مىقتى جانە اشىق قازاقستان يدەياسىن قولدايمىز», دەپ ءتۇسىندىردى «كسەلل» اق باسقارما توراعاسى اسقار جامباكين.
حالىقارالىق بوچچا ءتۋرنيرى Halyk Arena الاڭىندا ءوتتى جانە حالىقارالىق مارتەبەگە يە. ول پاراليمپيادالىق سپورتتى دامىتۋعا, ەرەكشە قاجەتتىلىكتەرى بار ادامداردى الەۋمەتتىك بەيىمدەۋگە جانە قوعامداعى ينكليۋزيۆتى قۇندىلىقتاردى ىلگەرىلەتۋگە باعىتتالعان.
تۋرنير قورىتىندىسى بويىنشا ازەربايجان كومانداسىنان كەيىن قازاقستان كومانداسى 2-ورىندا تۇر. سپورتشىلارىمىز 2 التىن, 8 كۇمىس جانە 3 قولا مەدال جەڭىپ الدى. ءۇشىنشى ورىندى وزبەكستاننان كەلگەن كوماندا ەنشىلەدى. تاعى ءبىر قازاقستاندىق كوماندا جوعارى دايىندىق پەن كوماندالىق رۋحتىڭ بيىك دەڭگەيىن كورسەتە وتىرىپ, 4-ورىنعا يە بولدى.
ايتا كەتەيىك, بوچچا – ءوزارا ۇيلەسىمدىلىكتى, ستراتەگيالىق ويلاۋدى جانە بىرىگۋدى دامىتاتىن پاراليمپيادالىق سپورت ءتۇرى. 2025 جىلعى تۋرنيرگە تۇركىتىلدەس بەس ەلدەن 80-نەن استام سپورتشى قاتىستى.
