بيىل 6 ملن دوللار كولەمىندە ينۆەستيتسيا قۇيىلعان تسيفرلىق ءونىم ۇجىمدىق مالىمەتتەردى ەركىن مەڭگەرىپ, ءسىزدىڭ كاسىبىڭىزدىڭ تىلىندە «سويلەي الادى». تارقاتساق, SHAI.PRO جۇيەسى كەز كەلگەن ماسشتابتاعى كومپانيانىڭ دەرەكتەرى مەن قۇجاتتارىن, جۇمىس ءۇردىسىن سارالاپ, تۇتىنۋشىنىڭ ساۋالىنا تولىققاندى جاۋاپ بەرۋگە قاۋقارلى.
كومپانيا شەشىمدەرىنىڭ جەدەل ءارى ناتيجەلى ورىندالۋىنا ءۇن قوساتىن AI-پلاتفورما بۇگىندە Galvani Bioelectronics - Alphabet (Google) پەن GSK سىندى حالىقارالىق كومپانيالارمەن ءساتتى سەرىكتەستىك ورناتقان.
سونداي-اق نازارباەۆ ۋنيۆەرسيتەتىنىڭ اقىلدى جۇيەلەر جانە جاساندى ينتەللەكت ينستيتۋتىمەن (ISSAI) بىرلەسە وتاندىق تىلدىك مودەلدەر مەن قولدانبالى جاساندى ينتەللەكت باعىتتارىن دامىتۋعا دەن قويعان.
سالا سايىپقىراندارىنان قۇرالعان ۇجىم
SHAI.PRO – تەمىردەي تارتىپكە باس يگەن ينجەنەر, زەرتتەۋشى, ستراتەگتىڭ جۇمىلا توككەن تەرىنىڭ جەمىسى. كوماندادا جاساندى ينتەللەكت پەن دەرەكتەر قۇرىلىمى, اناليتيكا جانە UX-ديزاين سالاسىنىڭ ماماندارى دا ەڭبەك ەتەدى. ولاردىڭ ماقساتى – اشىقتىقتى ساقتاپ, سەنىم ۇدەسىنەن شىعا وتىرىپ پايدالانۋشىعا پايدا اكەلەتىن AI مادەنيەتىن قالىپتاستىرۋ.
ۇجىم جەرگىلىكتى تالانتتاردى بەلسەندى قولداۋ باعىتىندا ۋنيۆەرسيتەت, اكسەلەراتورلارمەن ىنتىماقتاسىپ, جي نارىعىنا جاڭا بۋىن ماماندارىن دايارلاۋدى دا قولعا العان. مۋلتيكوماندا جاساندى ينتەللەكت ارقىلى كاسىپتىڭ كۇندەلىكتى جۇمىسىن جەڭىلدەتۋدى كوزدەيدى.
SHAI.PRO پلاتفورماسىنىڭ نەگىزگى ارتىقشىلىقتارى:
No-code ينتەرفەيسى جي اسسيستەنت جۇمىسىن باعدارلامالاۋسىز باپتاۋعا مۇمكىندىك بەرەدى. الدىن الا قۇراستىرىلعان ۆيزۋالدى لوگيكا, ۇلگىلەر, جان-جاقتى ستسەناري ونى ايلاپ ازىرلەمەي-اق, بىرنەشە باتىرمانى باسۋ ارقىلى ىسكە قوسادى.
كورپوراتيۆتىك دەرەكتەر نەگىزىندە وقىتۋ. جۇيە سۇرانىس بەرگەن كومپانيا مەن سالانىڭ ەرەكشەلىگىنە قاراي بەيىمدەلەدى. وسى فۋنكتسيا نەگىزىندە جي اسسيستەنت امبەباپ چات-بوت ەمەس, كاسىبىڭىزدى تەرەڭ تۇسىنەتىن كاسىبي مامان ءرولىن سومدايدى.
SHAI.PRO-نى جەكە سەرۆەرلەر نەمەسە كومپانيانىڭ ىشكى ينفراقۇرىلىمىنا (On-premise) ورنالاستىرۋعا بولادى. بۇل دەرەكتەردىڭ تۇتىنۋشى نازارىندا بولاتىنىن ايعاقتايدى. تاعى ءبىر وڭ تۇسى – مودەلدى وقىتۋدان باستاپ, قىزمەتكەرلەر اراسىنداعى فايل الماسۋعا دەيىنگى قىزمەتتەردى ەڭسەرەدى.
پلاتفورما قولدانىستاعى API, CRM, ERP جانە BI جۇيەلەرىنە قوسىلىپ, رەتسىز ورىندالاتىن ۇدەرىستەردى بىرىڭعاي ينتەللەكتۋالدى ەكوجۇيەگە بىرىكتىرەدى. SHAI.PRO اسسيستەنتتەرى كليەنتتەردىڭ سۇرانىسىن اۆتوماتتى تۇردە وڭدەي الادى, ەسەپ جۇرگىزىپ, ساتىلىم ءۇردىسىن تالدايدى. كومپانيانىڭ HR بولىمىنە جوباعا سەرپىن بەرەتىن مامانداردىڭ تاڭداۋعا سەپتەسەدى.
ماسشتاب. AI-پلاتفورمانىڭ بۇل يكەمدى تۇسى ستارتاپتار مەن ءىرى حولدينگتەر ءۇشىن ءتيىمدى. پلاتفورمانىڭ قۇرىلىمى كۇردەلى ينتەگراتسيالار مەن ينفراقۇرىلىمدى قايتا جاساماي-اق كاسىپتىڭ وسۋىنە, كەڭەيۋىنە مۇمكىندىك بەرەدى.
قازاقستاننىڭ AI الەۋەتىن ايعاقتايتىن پلاتفورما
SHAI.PRO – ەلىمىزدىڭ جي سالاسىندا الەمدىك دەڭگەيدە جۇيە جاساي الاتىنمىزدى انىق اڭعارتاتىن جارقىن مىسال. پلاتفورما اۆتورلارىنىڭ ايتۋىنشا, ول – جي-ءدىڭ ەكوجۇيەسى.
SHAI.PRO – ءتيىمدى تەحنولوگيا, ستراتەگيالىق ساراپتاما نەگىزىندە بيزنەس ىرعاعىن جىلدامداتىپ, قاتەلىكتىڭ الدىن الۋعا, زاماناۋي شەشىمدەرگە ىركىلمەي ىلەسۋگە قولعابىس جاسايدى.
