حالىقارالىق «بولاشاق» باعدارلاماسىنىڭ ستيپەندياتتارى مەرزىمىنەن بۇرىن پرەزيدەنتتىك سايلاۋ وتكىزۋدى قولدايدى
قازاقستان ءۇشىن ادامي كاپيتالدى دامىتۋ جانە باسەكەگە قابىلەتتى ينتەللەكتۋالدى الەۋەتتى قالىپتاستىرۋ جولىنداعى ستراتەگيالىق جوبالاردىڭ ءبىرى – قازاقستان رەسپۋبليكاسى پرەزيدەنتىنىڭ حالىقارالىق «بولاشاق» ستيپەندياسى. مەملەكەت باسشىسىنىڭ كورەگەن ساياساتىنىڭ ارقاسىندا مىڭداعان قازاقستاندىق الەمنىڭ جەتەكشى جوعارى وقۋ ورىندارىندا ءبىلىم الدى, ارماندارىنا قول جەتكىزدى, كاسىبي تۇرعىدا ءوسىپ-ءونىپ, ءبىلىمى مەن تاجىريبەسىنە سۇيەنە قازاقستاننىڭ الەۋمەتتىك-ەكونوميكالىق ءوسىپ-وركەندەۋىنە ۇلەس قوستى.
بۇگىنگى كۇنى سول «بولاشاقتىقتار» الەمنىڭ ءار قيىرىنان ەلباسىنىڭ «نۇرلى جول – بولاشاققا باستار جول» جولداۋىندا جازىلعان ەلىمىزدىڭ جان-جاقتى دامۋ باعىتىنا قولداۋ كورسەتىپ, قازاقستان حالقى اسسامبلەياسىنىڭ كەزەكتەن تىس پرەزيدەنتتىك سايلاۋ وتكىزۋ تۋرالى باستاماسىن قۇپتايدى.
مەن – «بولاشاق» حالىقارالىق ستيپەندياسى بويىنشا قىتاي مەملەكەتىنىڭ تەلەكوممۋنيكاتسيا سالاسىندا ءبىلىم الىپ جۇرگەن ستيپەندياتپىن. جاقىن بولاشاقتا ەكى ەلدىڭ اراسىنداعى قارىم-قاتىناستى ودان ءارى نىعايتۋدا, سول ەلدىڭ وزىندە ءبىلىم الىپ, ءومىر سۇرگەن بىزدەردىڭ تاجىريبەمىز ارقايسىمىزعا ساي سالادا سۇرانىس تابادى دەگەن سەنىمدەمىن.
بۇگىندە قىتاي مەملەكەتىنىڭ جوعارى وقۋ ورىندارىندا ءبىلىم العان, ستراتەگيالىق سەرىكتەسىمىزدىڭ ءتىلى مەن مەنتاليتەتىن مەڭگەرگەن ماماندار – ەكونوميكامىزدىڭ كوپتەگەن سالاسىندا ماڭىزعا يە. قىتايلىق ۇزدىك ءبىلىمى بار تۇلەكتەردىڭ تاجىريبەسى ەنەرگەتيكا, ساۋدا-ەكونوميكالىق بايلانىس, جاڭا جوعارى تەحنولوگيالار پايدالانىلاتىن كاسىپورىنداردا دا پايدالى بولماق.
سونىمەن قاتار, مۇناي-حيميا ءوندىرىسى, ماشينا جاساۋ جانە باسقا دا شيكىزاتتىق ەمەس سالالاردا ەكىجاقتى قىزىعۋشىلىق بار, اۋىل شارۋاشىلىعى, جاڭا تەحنولوگيالار, مادەني-گۋمانيتارلىق جانە ءبىلىم بەرۋ سالالارىنداعى قارىم-قاتىناس تا قارىشتى دامىپ كەلەدى. مۇنىڭ بارلىعى ەلىمىزدىڭ بەيبىت سىرتقى ساياساتىنىڭ, ەكىجاقتى قارىم-قاتىناس تەڭدىگىنىڭ جانە ەلباسىنىڭ جەكە بەدەلىنىڭ ارقاسى دەپ بىلەمىن.
ساياسي باعدارى ايقىن «ماڭگىلىك ەل» ۇلتتىق يدەياسىن ۇسىنىپ, ونى جۇزەگە اسىرۋ جولىندا قاجىرلى ەڭبەك ەتىپ كەلە جاتقان ەلباسىنا ەلدىڭ سەنىمى قاشاندا جوعارى. سوندىقتان دا ەلىمىزدىڭ بولاشاعى ءۇشىن جاۋاپتى ءسات – كەزەكتەن تىس پرەزيدەنتتىك سايلاۋ وتكىزۋ باستاماسىن قۇپتايمىن.
تىلەكتەس ادامبەكوۆ,
حالىقارالىق «بولاشاق» ستيپەندياسىنىڭ يەگەرى, Tongji University, قحر.
بولاشاقتىقتار الەمدىك ەڭبەك نارىعىندا باسەكە تۋدىرا الاتىنداي ءبىلىم الدى. بۇگىندە ەل ارتقان ءۇمىتتى اقتار ۋاقىت كەلدى, العان ءبىلىم مەن جيناعان تاجىريبەنى پايدالانىپ, قازاقستاننىڭ ءال-اۋقاتىن كوتەرۋ تۋىن قولعا الۋ ەل حالقىنىڭ پارىزى دەپ بىلەمىن.
ءبىز, «بولاشاق» باعدارلاماسىنىڭ تۇلەكتەرى, بۇگىنگى الەمدە قالىپتاسقان كۇردەلى ەكونوميكالىق جاعداي مەن گەوساياسي ۇدەرىستەردى ەسكەرە وتىرىپ, قازاقستان حالقى اسسامبلەياسى كەڭەسىنىڭ ۇسىنىسىن قولدايمىز.
اتالعان قيىن-قىستاۋ كەزەڭدە ەل تاعدىرىن جوعارى تاۋەكەلگە بوي الدىرماي, كەزەكتەن تىس پرەزيدەنتتىك سايلاۋدى بيىل وتكىزۋ باستاماسىن ۇتىمدى دەپ ەسەپتەيمىز. بۇل شارا قوعامدا بىرلىك پەن ىنتىماقتىڭ ارتۋىنا ءوز سەپتىگىن تيگىزەرى ءسوزسىز.
ەلباسى ۇسىنعان «نۇرلى جول» باعدارلاماسى مەملەكەتىمىزدى بۇل دۇربەلەڭ كەزەڭنەن قيىندىقسىز الىپ شىعاتىنى انىق. باعدارلامانى ورىنداۋعا «بولاشاق» تۇلەكتەرى دە 100% دايىن.
ءمۇتالى ءابۋتالىپ,
«بولاشاق» باعدارلاماسىنىڭ تۇلەگى, Pennsylvania State University, اقش, «ينۆەستورلار اليانسى» قب ديرەكتورى.
ەلباسىنىڭ باستاماسىمەن قولعا الىنعان «بولاشاق» باعدارلاماسى قازاق جاستارىنىڭ شەتەلدەردەگى وزىق وقۋ ورىندارىنان ءبىلىم الىپ, جان-جاقتى جەتىلۋىنە مۇمكىندىك بەردى. قازاقستان جاستارىنىڭ دامىعان ەلدەردىڭ ازاماتتارىمەن تەڭەسىپ, ءبىلىمدى دە بىلىكتى بولۋى – قازاق ەلىنىڭ عىلىمي-تەحنيكاسى دامىعان, باي دا قۋاتتى ەلدەردىڭ قاتارىنا قوسىلۋ جولىنداعى العاشقى قادامى. «بولاشاق» باعدارلاماسىنىڭ ءتۇلەكتەرى بۇگىنگى كۇندە ەلىمىزدىڭ دامۋىندا ستراتەگيالىق ماڭىز الاتىن ءتۇرلى سەكتورلاردا ەڭبەك ەتۋدە, ەل دامۋىنا ءوز ۇلەستەرىن قوسۋدا.
«بولاشاق» باعدارلاماسىنىڭ 20 جىلدان استام ۋاقىت تابىستى جۇرگىزىلۋى ەلىمىزدىڭ ساياسي جاعدايىنىڭ تۇراقتىلىعىنىڭ جانە ەكونوميكاسىنىڭ قارىشتاپ دامۋىنىڭ ارقاسى.
جاقىندا كوتەرىلگەن پرەزيدەنتتىك سايلاۋدى كەزەكتەن تىس وتكىزۋ باستاماسى قازىر ورىن الىپ وتىرعان حالقارالىق گەوساياسي جاعدايعا جانە كەيبىر ەلدەردە بەلەڭ بەرگەن ەكونوميكالىق توقىراۋعا بايلانىستى ەكەندىگى بەلگىلى. ەلىمىزدىڭ ساياسي جانە ەكونوميكالىق ورنىقتىلىعى ءۇشىن, قازىر قولعا الىنىپ وتىرعان مەملەكەتتىك باعدارلامالاردىڭ ءساتتى جالعاسۋى ءۇشىن «بولاشاق» باعدارلاماسىنىڭ تۇلەگى رەتىندە, مەن پرەزيدەنتتىك سايلاۋدىڭ مەرزىمىنەن بۇرىن ءوتۋىن قولدايمىن.
ايقىن اسقاپ ۇلى,
«بولاشاق» باعدارلاماسىنىڭ تۇلەگى, Pennsylvania State University, اقش, «نازارباەۆ ۋنيۆەرسيتەت» دببۇ-نىڭ عىلىمي قىزمەتكەرى.
سىرتقى فاكتورلاردىڭ اسەرىنەن قيىندىقتار فازاسىنا اياق باسىپ جاتساق تا, بيۋدجەتتى ميللياردتاعان تەڭگەگە وڭتايلاندىرۋ شارالارىن قابىلداۋعا تۋرا كەلسە دە, پرەزيدەنتىمىز جاستارعا, ولاردىڭ ءبىلىم الۋ قۇندىلىعىنا دەگەن قامقورلىعىن تومەندەتكەن جوق.
جاقىندا عانا وتكەن ۇكىمەتتىڭ كەڭەيتىلگەن جيىنىندا مەملەكەت باسشىسى قانداي قيىندىق بولسا دا ءبىلىم بەرۋ مەن دەنساۋلىق ساقتاۋ سالالارىن دامىتۋ ءىسىن جۇرگىزە بەرەتىندىگىمىزدى شەگەلەپ كورسەتتى. «بۇل – ادام كاپيتالىنا سالىنعان ۇزاق مەرزىمدى ينۆەستيتسيا جانە ول بولاشاقتاعى ەكونوميكالىق دامۋعا نەگىز بولادى», دەدى پرەزيدەنت. راسىندا دا, 90-جىلداردىڭ قالىپتاسۋ كەزەڭىندە-اق باستالعان بولاشاق پەرسپەكتيۆالار ءۇشىن بىلىكتى, ساپالى كادرلاردى شەتەلدەردىڭ وزىق ءبىلىم وردالارىندا دايىنداۋ ستراتەگياسى ءۇزىلىسسىز, ۇزدىكسىز قازىرگى كۇنگە دەيىن جالعاسىن تاۋىپ كەلەدى.
وتكەن جىلدىڭ سوڭىندا مەن دە «بولاشاق» باعدارلاماسىنىڭ ستيپەندياتى اتاندىم. «بولاشاق» باعدارلاماسى كوپتەگەن جاستاردىڭ ومىرلىك داڭعىل جولىن ايقىنداپ بەردى. جاس بۋىننىڭ ازامات رەتىندە, تۇلعا رەتىندە قالىپتاسۋىنا ىقپال ەتتى. ەرتەڭگە ۇمىتتەرىن وياتتى. مەن ءۇشىن دە وسى حالىقارالىق «بولاشاق» ستيپەندياسى اياسىندا ءبىلىم الۋ – ۇلكەن مارتەبە.
قازاقستان حالقى اسسامبلەياسى كەڭەسىنىڭ مەرزىمىنەن بۇرىن پرەزيدەنتتىك سايلاۋ وتكىزۋ تۋرالى كوتەرگەن باستاماسى پارتيالار, قوعامدىق بىرلەستىكتەر, قاۋىمداستىقتار مەن بەدەلدى تۇلعالار تاراپىنان قولداۋ تاۋىپ جاتىر. تاريح ءوزى باعاسىن بەرەتىن قازىرگىدەي بەيبىت كۇننىڭ قادىرىن, تاۋەلسىزدىكپەن بىرگە ەلىمىزدى لايىقتى باسقارىپ, تىنىشتىق پەن بەرەكەگە ۇيىتقى بولىپ كەلە جاتقان مەملەكەت باسشىسى نۇرسۇلتان ءابىش ۇلى نازارباەۆتىڭ باستامالارىنا قولداۋ ءبىلدىرۋگە ءازىرمىن.
راحات جاقسىباي,
«بولاشاق» باعدارلاماسىنىڭ ستيپەندياتى, «حابار» اگەنتتىگى اق باعدارلامالار ءوندىرىسى ديرەكتسياسى ارنايى جوبالار قىزمەتىنىڭ جەتەكشىسى.
