جوندەۋ بارىسىندا جول بويىنداعى اۋىلداردا جارىقتاندىرۋ شامدارى ورناتىلىپ, باعىتتاۋشى بەلگىلەر جاڭارتىلدى. سونداي-اق كولىكتەردىڭ شامادان تىس جۇك تاسىمالداۋىنىڭ الدىن الۋ ءۇشىن جولدىڭ 50 جانە 7-شاقىرىمدارىندا اۆتوماتتاندىرىلعان سالماق ولشەۋ جۇيەلەرى ورناتىلدى.
«قازاۆتوجول» جەتىسۋ وبلىستىق فيليالىنىڭ وكىلى جاسۇلان قالتاەۆتىڭ ايتۋىنشا, اۋىر جۇك كولىكتەرىنىڭ قوزعالىسىنا ارنالعان بولەك تەحنولوگيالىق جول سالىنعان. بۇل جۇيە جول قاۋىپسىزدىگىن ارتتىرۋعا مۇمكىندىك بەرەدى.
بۇدان بولەك, قويبىن شاتقالىنداعى كومبە وزەنى ۇستىنەن جاڭا كولىك كوپىرى سالىنىپ, سارىوزەك, قوڭىرولەڭ جانە اقجازىق اۋىلدارىنىڭ ماڭىنا ەلەكتر جارىعى مەن جاياۋ جۇرگىنشىلەر جولدارى جۇرگىزىلدى.
جەرگىلىكتى تۇرعىندار جولدىڭ ساپاسىنا جوعارى باعا بەرىپ وتىر.
– بۇرىن كولىكتەر ءجيى بۇزىلاتىن, قازىر جول تەگىس ءارى قاۋىپسىز. كەشكى ۋاقىتتا دا جارىق جاقسى, جاياۋ ءجۇرۋ ىڭعايلى, – دەيدى قوڭىرولەڭ اۋىلىنىڭ تۇرعىنى باقىت تاشتاحمەتوۆا.
ايتا كەتسەك, سوڭعى ءۇش جىلدا جەتىسۋ وبلىسىنىڭ كەربۇلاق جانە پانفيلوۆ اۋداندارىندا رەسپۋبليكالىق ماڭىزى بار 241 شاقىرىم جول جوندەلگەن.
