تەمىرتاۋ قالاسىنىڭ اكىمى تاعايىندالدى

قاراعاندى. 7 تامىز. پرەزيدەنت اكىمشىلىگىنىڭ كەلىسىمى جانە قاراعاندى وبلىستىق ءماسليحاتىنىڭ ماقۇلداۋىمەن تەمىرتاۋ قالاسىنىڭ اكىمى بولىپ عالىم ءاشىموۆ تاعايىندالدى. جاڭا باسشىنى قالا اكتيۆىنە وبلىس اكىمى نۇرمۇحامبەت ابدىبەكوۆ تانىستىردى. بۇل تۋرالى egemen.kz ءتىلشىسى حابارلادى. عالىم ءاشىموۆ 1968 جىلى تۋعان. 2000 جىلى بايقوڭىروۆ اتىنداعى جەزقازعان مەملەكەتتىك ۋنيۆەرسيتەتىن ەكونوميست-مەنەدجەر ماماندىعى بويىنشا ءبىتىردى. ءار جىلداردا قاراعاندى وبلىسىنداعى جايرەم اۋىلى مەن قاراجال قالاسىنىڭ اكىمى بولىپ قىزمەت اتقاردى. سونداي-اق, وبلىس اكىمىنىڭ اپپاراتى مەن وبلىستىق ونەركاسىپ جانە يندۋستريالدى-يننوۆاتسيالىق دامۋ باسقارماسىن باسقاردى. تەمىرتاۋ قالاسىنىڭ باسشىسى بولىپ تاعايىندالعانعا دەيىن وبلىس اكىمىنىڭ اۋىل شارۋاشىلىعى ماسەلەلەرى جونىندەگى ورىنباسارى بولىپ ەڭبەك ەتتى. ال بۇگىنگە دەيىن تەمىرتاۋدى بەس جىل باسقارىپ كەلگەن نۇركەن سۇلتانوۆ وبلىس اكىمىنىڭ كەڭەسشىسى بولىپ تاعايىندالدى. قايرات ءابىلدينوۆ. دەرەك: egemen.kz. سۋرەت: mail.ru.