باتىس قازاقستاندا جالعان كاسىپكەرلىكتەن كەلگەن زيان كوپ

ورال. 19 اقپان. باتىس قازاقستان وبلىسىنداعى مەملەكەتتىك كىرىس دەپارتامەنتى باسشىسىنىڭ ورىنباسارى جاسۇلان مەكەباەۆ جالعان كاسىپكەرلىك پەن بانكروتتىققا جانە سالىق تولەۋدەن جالتارۋشىلىققا قاتىستى 52 قىلمىستىق ءىس تىركەلگەنىن حابارلادى. بۇل تۋرالى ەgemen.kz ءتىلشىسى حابارلادى. مەملەكەتكە كەلگەن شىعىننىڭ كولەمى 5 ملرد. تەڭگە قۇراپ وتىر. وسى قوماقتى سومادان ءدال قازىرگى كۇنى بيۋدجەتكە قايتارىلعانى 100 ملن تەڭگەدەن ءسال عانا اسادى. وسى ارادا ايتا كەتەر جايت, ەكونوميكالىق تەكسەرۋ قىزمەتى ويىن بيزنەسىنە قاتىستى قىلمىستاردى اشكەرلەۋدە. بۇعان ەلىمىزدە بۋرابايدان باسقا جەردە ءتيىستى زاڭدىلىقتار بويىنشا تىيىم سالىنعان. سوعان قاراماستان وزگە وڭىرلەردە جاسىرىن ويىن نۇكتەلەرى بار ەكەندىگى تالاس تۋعىزبايدى. بۇعان ازاماتتار مەن تۇرعىنداردىڭ كولەڭكەلى ەكونوميكا جونىندەگى باسقارماعا جولداعان ۇنقاتىسۋلارى دالەل بولا الادى. اتالعان باسقارمانىڭ باسشىسى ەريك الدىبەرگەنوۆتىڭ ايتۋىنشا, قازىرگى كۇنى لوتەرەيالىق تەرمينالدار قىزمەتىنە جان-جاقتى تالداۋلار مەن ساراپتامالار جۇرگىزىلۋدە. مۇنداي تەرمينالدار رەسپۋبليكا قالالارىنداعى كوپتەگەن كافەلەر مەن ساۋدا نۇكتەلەرىنە ورناتىلعان. بۇلاردىڭ ويىن تەرمينالدارىنا قاتىسى بولۋى ابدەن مۇمكىن. بۇعان كوپ كەشىكپەي قۇقىقتىق باعا بەرىلمەك. سول كەزدە اتالعان قوندىرعىلاردىڭ زاڭدى نەمەسە زاڭسىز ەكەندىگى تولىقتاي انىقتالاتىن بولادى. تەمىر قۇسايىن. دەرەك, سۋرەت: ەgemen.kz.