جاڭا ورتالىقتىڭ جالپى اۋدانى – 724,1 شارشى مەتردى قۇرايدى. عيمارات زاماناۋي ۇلگىدە جابدىقتالعان, جاستاردىڭ شىعارماشىلىق جانە جەكە دامۋىنا قاجەتتى بارلىق جاعداي جاسالعان. مۇندا كەڭەس بەرۋ كابينەتتەرى, كوۆوركينگ جانە «open space» ايماعى, شىعارماشىلىق ستۋديا, دەمالىس ورىندارى, 3ح3 ستريتبول مەن ستريت ۆوركاۋت الاڭدارى, بالالار ويىن الاڭى جانە ۆولونتەرلار شتابى بار.
ءوڭىر باسشىسى ءوز سوزىندە مەملەكەت باسشىسى قاسىم-جومارت توقاەۆتىڭ باستاماسىمەن ەلىمىزدە جاستار ساياساتىن دامىتۋعا, ولاردىڭ الەۋەتىن اشۋعا جانە قوعام ومىرىنە بەلسەنە ارالاسۋىنا ەرەكشە كوڭىل ءبولىنىپ وتىرعانىن اتاپ ءوتتى.
«جاستار – ەلدىڭ بولاشاعى. ولاردىڭ باستامالارىنا قولداۋ كورسەتۋ, يدەيالارىن جۇزەگە اسىرۋعا مۇمكىندىك بەرۋ – ءبىزدىڭ باستى مىندەتىمىز. جاڭا ورتالىق اۋدان جاستارىنىڭ باسىن بىرىكتىرىپ, ولاردىڭ الەۋەتىن دامىتۋعا, ازاماتتىق بەلسەندىلىگىن ارتتىرۋعا قىزمەت ەتەدى دەپ سەنەمىز», دەدى نۇرداۋلەت قيلىباي.
ايتا كەتەيىك, قاراقيا اۋدانىندا بۇگىندە 14 پەن 35 جاس ارالىعىنداعى 11 463 جاس بار, بۇل اۋدان حالقىنىڭ 31 پايىزىن قۇرايدى.
